بە پێی ڕاپۆرتی بەشی پێوەندییە گشتییەکانی جەماعەتی دهعوهت و ئیسلاح، مامۆستا عەبدولڕەحمان پیرانی ئەمینداری گشتی جهماعهت، بەبۆنهی کۆچی دوایی خوشکی بڕوادار و دڵسۆز و خۆڕاگر "دادە زهینهب ڕهھنموون"، هاوسەری بەڕێزی مامۆستا عەلی ڕەحمانی، خەمێکی خۆی دەربڕی و ڕێزی لە تێکۆشان و خەباتەکانی گرت.
دەقی پەیامی سەرەخۆشی ئەمینداری گشتی جەماعەت بەم شێوەیەیە:
بەناوی خوای میهرەبان و میهرەبان
«يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي»
هەواڵی کۆچی دوایی خوشکی دڵسۆز و سهبوور و مێھرهبان و ماندوونەناس، «خاتوو زێنهب ڕهھنموون»” (ڕەحمەتی خوای لێ بێت)، خێزانی جەنابی مامۆستا عەلی ڕەحمانی، کە لە هەوڵی بڵاوکردنەوەی بەهاکانی ئیمان و خزمەتکردن به دینی خودا و بەندەکانی تەمەنی برده سهر، پهژاره و ئازارێکی زۆری لێکەوتەوە؛ بەڵام ئێمە دڵنیاین کە ژیان و مانەوە تەنها شیاوی خودای هەمیشە زیندووه، کە بڕیاری داوە: «کُلُّ مَنْ عَلَیْها فانٍ وَ یَبْقى وَجْهُ رَبِّکَ ذُو الْجَلالِ وَ الْإِکْرامِ» ئێمە لە ناخی دڵەوە سەری ڕێز و کۆیلایەتی لەبەردەم خودای میهرەبان و بهبهزەیی دادەنهوێنین و هەمیشە لە کاتی خۆشی و ناخۆشیدا ستایشی دەکەین و ملکەچی چارەنووس و ئیرادەی ئەو دەبین. بێ گومان هەوڵ و بەزەیی دڵسۆزانەی ئەم خوشکە بەڕێزە، بەتایبەتی بەرامبەر بە ئەندامانی جەماعەت، وەک یادگارییەکی بەردەوام و کهم وێنه و خێرێکی بەردەوام دەمێنێتەوە.
لهلایهن خۆمەوە و بەناوی خوشک و برایانم لە جەماعەتی دەعوەت و ئیسلاح، بۆ لەدەستدانی ئەم خوشکە بەنرخە، پرسەو سەرەخۆشی خۆم ئاراستەی مامۆستا عەلی ڕەحمانی و خانەوادەی بەڕێزیان و ئەندامانی جهماعهتی دهعوەت و ئیسلاح، بەتایبەت خوشک و برایانم لە پارێزگای کوردستان دەکەم. داواکارین لە خودای گەورە، بەر ڕەحمەتی خۆی بخات و به بەهەشتی بەرین شادی بکا و سەبوری خێزان و خزم و هاوڕێیانی بدا و پاداشتێکی گەورەشیان پێ ببەخشێت.
عەبدولڕەحمان پیرانی
ئەمینداری گشتی جەماعەتی دەعوەت و ئیسلاح
25ی جۆزهردانی ١٤٠٥
بۆچوونهکان