ده‌لاقه‌ی شه‌ست و هه‌شته‌م
1400/08/22

وانە نوورینەکانی قوڕئانی پیرۆز

"ژن سوکنایی دڵە"

وَ مِنْ آیٰاتِهِ، أَنْ خَلَقَ لَکُمْ مِنْ أَنْفُسِکُمْ أَزْوٰاجاً لِتَسْکُنُوا إِلَیْهٰا، وَ جَعَلَ بَیْنَکُمْ مَوَدَّةً وَ رَحْمَةً...

لە هێماکانی خوا ئەوەیە لە ڕەگەزی خۆتان هاوسەرانێکی بۆ ئافراندوون کە لە لای وان هەست بە ئارامی و سوکنایی دەکەن
لە نێوان ئێوە سۆز و ئەوینێک و ڕەحمەتی زۆری دانا.

زەماوەند جوانترین شانۆی ژیانی هەر مرۆڤێکە و لای خوا پیرۆز و پڕبایەخە و ژن وەک کانگای سوکانیی و سۆز دەناسرێ
کەواتا ژنان جێگە و پێگەی خۆیان بە باشی بناسن و مایەی ئارامی پیاوەکان بن و هەروەها پیاو ئەم هەلە بۆ ژن بڕەخسێنێ کە لە سروشتی خۆی نەچێتە دەر.

وانەی ئایەت: هاوسەرگیری لای خوا پیرۆزە ئەگەر هاوسەرەکان یاسا و ڕێسای خوا ڕەچاو بکەن بە گۆرەی حەدیسی خۆشەویست بجوڵێنەوە بێگومان خۆشی و بەرەکەتیان وەک ڕێژنە باران بەسەر ماڵ و مناڵ و ژیاندا دەبارێ

وه‌رگێڕ: شەیدا مەحموودی

ده‌لاقه‌ی شه‌ست و حه‌وته‌م
1400/08/22

وانە نوورینەکانی قوڕئانی پیرۆز

"هیوا بە ڕەنگی مووسا"

....انَّ مَعِيَ رَبِّي سَيَهْدِينِ
شعراء ۶۲

بێ گومان خوا لەگەڵ منە و بە زوویی هیدایەتم دەکا

چەندە لای خوا جوانە کە ئێمە شک و دڕدونگیمان نەبێ سەبارەت بە دەسەڵات و ڕەحم و سۆزی ئەو
هەر کات باوەڕدار ئەرخەیان بێ و بە متمانەی تەواو پشت بە خوا ببەستێ و موسا ئاسا بڵێ خوا لەگەڵ منە، با بزانێ خوا بێ هیوای ناکا و پشتی دەگرێ و باشترین ڕێگەی پێشان دەدا.

بڵێ بێ گومان شفام بۆ دەنێڕێ
بێ شک خێرم وەڕێ دێنێ
حەتمەن ڕزقم زیاد دەکا
بەختەوەرم دەکا
گرفتەکانم بۆ ئاسان دەکا
دڵخۆشم دەکا...

وانەی ئایەت: بەر لە هەموو کەس پەنا بۆ خوا ببەین و متمانەی پێ بکەین بە حەقیقەت خۆی تەنیا هۆکاری سەرکەوتنە پیرۆزەکانە

وه‌رگێڕ: شەیدا مەحموودی

ده‌لاقه‌ی شه‌ست و شه‌شه‌م
1400/08/22

وانە نوورینەکانی قوڕئانی پیرۆز

"عارەقی شەرم"

وَ لا تُخْزِنِي يَوْمَ يُبْعَثُونَ يَوْمَ لا يَنْفَعُ مالٌ وَ لا بَنُونَ إِلَّا مَنْ أَتَى اللَّهَ بِقَلْبٍ سَلِيمٍ.
شوعه‌ڕاء(۸۹-۸۸)
ڕۆژێک کە خەڵکان ڕادەبنەوە زەلیلم مەکە
ئەو ڕۆژەی کە ماڵ و مناڵ هیچ قازانجێک بەمن ناگەیێنن، مەگەر ئەوەی کە بە دڵێکی پاکەوە گەڕاوەتەوە بۆ لای خوا.

هەر دڵە، جێگەی ڕوانینی خوا گیانە
خوا لە ڕۆژی پەسڵان لە جەستە و ڕواڵەتی جوان و کەسایەتی بەرز و ماڵ و سامان ناڕوانێ
و تەنیا و تەنیا خاڵی جێگەی سه‌رنجی لای خوا، دڵە
با بە دڵی پیس و نەخۆشه‌وه‌ نەچینەوە لای خوا
لەو کاتەدا عارەقی شەرم دەمانخووسێنێ

وانەی ئایەت: گرنگترین و بایەخدارترین شوێن لە لای خوا دڵە، دەبێ ئاگاداری بین پارێزی مەعنەوی و ئیمانی و خوایی بۆ دابنێین

وه‌رگێڕ: شەیدا مەحموودی

ده‌لاقه‌ی شه‌ست و پێنجه‌م
1400/08/22

"تەمەنی درێژ؟"

وَ مَنْ نُعَمِّرْهُ نُنَكِّسْهُ فِي الْخَلْقِ أَ فَلا يَعْقِلُون

تەمەن‌درێژیمان دا بەهەر کەس، ئەوی لەو جیهانە ئاوەژوو دەکەینەوە
هۆش و هزری دەبێ بە لەبیرچوونەوە و وزەی کەم دەبێتەوە و بەژنی دەچەمێتەوە
ئەرێ بیر ناکەنەوە؟

کەواتا مرۆڤ کە تەمەنی درێژ بوو دەگەڕێتەوە دواوە و بۆ قۆناغی مناڵی ئاوەژوو دەبێتەوە
ئیستا تا هێزت هەیە و لاوی دەرفەت حەول و تێکۆشان و بەندایەتی کردنە
واز لە کاری بێهوودەهێنان خۆی عیبادەت و نیعمەتە و بەرەکەت دەخاتە کار و زانست و ژیان.

لە دەوری گەردوون دەسوڕێینەوە
ئاخر بۆ جێی خۆ ئەگەڕێیـنەوە

وه‌رگێڕ: شەیدا مەحموودی

ده‌لاقه‌ی شه‌ست و چواره‌م
1400/08/22

مەپرسە باشترە

"يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا ۗ وَاللَّهُ غَفُورٌ حَلِيم"ٌ

ئەی ئەو کەسانەی باوەڕتان هێناوە
پرسیار لە هێندێ شت مەکەن کە پێوستتان پێی نییە
کە خوای گەورە پێویستی نەکردووە ڕوونی کاتەوە
ئەگەر بیزانن لەوانەیە بۆتان بە قازانج تەواو نەبێ و تووشی گرفت بن.

ئەم ئایەتە وانەیێکی گرنگی کۆمەڵایەتی تێدا کە ئەمڕۆ مرۆڤ پێیەوە سەرقاڵە
زۆر پرسیار هەیە نابێ لە کەسانی دەورووبەر بکرێ
یا خۆمانی پێوە بخافڵێنین
ناکا مرۆڤ تووشی قەزاوەتی خەراپ و خۆتێهەڵقوتانی بێ جێ و گرفت سازکردن بۆ خۆیی و دەورووبەر بێ، کەواتا دیسانیش بێدەنگی و بیرکردنەوە هەڵبژێرین باشترین ڕێکارە.

وه‌رگێڕ: شەیدا مەحموودی

ده‌لاقه‌ی شه‌ست و سێهه‌م
1400/08/22

تامی بێدەنگی

فَكُلِى وَاشْرَبِى وَقَرِّى عَيْناً فَإِمَّا تَرَيِنَّ مِنَ‏الْبَشَرِ أَحَداً فَقُولِى إِنِّى نَذَرْتُ لِلرَّحْمَنِ صَوْماً فَلَنْ أُكَلِّمَ الْيَوْمَ إِنسِيّا

کەوایە لەم خورما شیرینە بخۆ لەو ئاوە زوڵاڵە بخۆوە و ئەو ڕۆڵە خۆشەویستە مۆعجیزەی خوایە
چاوت بکەوە و هەر کەست دی لەو بوارەوە، لێی پرسی بە ئیشاڕە پێی بسەلمێنە کە ڕۆژووی بێدەنگی و سکوتت بۆ خوای میهرەبان گرتووە و بەڵێنیت داوە قسە نەکەی.

خاڵێکی زۆر گرنگ لەم ئایەتەدا ئەوەیە
هێندێ جار دەبێ لە بەرانبەر خەڵکدا بێدەنگی ڕەچاو بکەی

«فلن اُكلّم الیوم اِنسیّا»

وەرگێڕ: شەیدا مەحموودی

ده‌لاقه‌ی شه‌ست و دووهه‌م
1400/08/04

حەسەنی بەسڕی فەرمووی:
بڕوا ناکەم خوای گەورە کەسێک سزا بدات کە "استغفراللە" بکات.
وتیان بۆچی؟
فەرمووی: کێ یارمەتی داوە... کەوا بڵێت؟
وتیان: خودا (ٲللە)
وتی: دەی خوای گەورە گەر بیویستایە سزای بدات، یارمەتی نەدەدا كه "استغفراللە" بکات
(وَمَا كَانَ اللهُ مُعذِّبَهُمْ وهُمْ يَسْتَغْفِرُون)

ده‌لاقه‌ی په‌نجا و نۆهه‌م
1400/08/04

سەردەمێك بەسەر خەڵڪیدا دێ
ئەگەر لە شەودا زەوی هەمووی ببێتە دینار، وەڪو ڕایەخ ڕابخرێ و لەسەر هەموو دینارێك نووسرابێ
هەر ڪەسێك هەڵیبگرێتەوە دەچێتە دۆزەخ
ئەوا بەیانی دەبینی ڪە یەك دیناریش لەسەر زەوی نەماوە هەمووی هەڵگیراوە...!

ئیمامی شافعی

ده‌لاقه‌ی په‌نجا و حه‌وته‌م
1400/07/29

ئەگەر شەیتان دوێنێ بە سەرمدا زاڵ بووبێ، ئەوە ئەمڕۆ پشتی دەشکێنم بە تەوبەکردن و عیبادەتی باشتر و زیاتر...

#سەفیانی_سەوری

ده‌لاقه‌ی په‌نجا و شه‌شه‌م
1400/07/29

خۆشحاڵی بۆ کەسێ خۆی بمرێ و تاوانەکانی لە گەڵی بمرێ...

وەیل و سەرگەردانی و هاوار بۆ کەسێ خۆی بمرێ و تاوانەکانی دوای خۆی بمێنێ...!

#ئیمامی_شاتبی

ده‌لاقه‌ی په‌نجا و پێنجه‌م
1400/07/29

گوناهێک مرۆڤ تووشی ملکەچی و زەلیلی بکات
باشترە لە عیبادەتێک کەوا مرۆڤ تووشی لوت‌بەرزی بکات...!

#ئیمامی_غەزالی

ده‌لاقه‌ی په‌نجا و چواره‌م
1400/04/23

ائیبن قه‌يیم (رحمـہ اللـہ تعالـﮯ) فه‌رموویه‌تی:

گه‌ر په‌رده‌ هه‌ڵماڵدرێ له‌سه‌ر خه‌ڵك بۆ پاداشتی کرده‌وه‌کانی له‌ ڕۆژی دواییدا، ئه‌وا هیچ کرده‌وه‌یه‌ك نابینیت پاداشتی باشتر‌ و چاکتر بێ له‌ زیکری خوا،
ئه‌وکاته‌ ده‌سته‌و کۆمه‌ڵێك ئا‌هـ هه‌ڵده‌کێشن‌ و ده‌ڵێن:

هیچ شتێك ئه‌وه‌نده‌ی زیکر کردن ئاسان نه‌بوو له‌سه‌رمان.

[الوابل الصيب - ص111]

ده‌لاقه‌ی په‌نجا و سێهه‌م
1400/01/26

ئەگەر لە ڕادەبەدەر بە گیروگرفتەکانمان سەرنج بدەین، ئه‌وه‌ جۆرێك خواردەمەنیمان پێ داوە. خواردەمەنی زەین سەرنجدانە. سەرنج بدەینە سەر هەر شتێک، به‌هێزتر دەبێ. هەرگیز بە سەرنجدان بە ئاواتە نەگه‌یشتووەکان خواردەمەنی بەوان نەدەیین.
کەمتر سەرنج بدەینە سەر شتە نگاتیڤەکان.
سەبارەت بە ئازار و مەینەتییەکان زۆر قسه نەکەین و ئەوان گەورە نەکەین. زۆرتر هۆگری خۆشییەکانمان بین و سەرنجی خۆمان بۆ خۆشییە بچووکەکان تەرخان بکەین.
حورمەتی چرکەساتە خۆشییە بچووکەکان بگرین بۆ ئەوەی کە گەشانەوەی ئەو چرکەساتە بچووکانە لەسەر هەموو ژیانماندا بڵاو ببێتەوە.
دکتۆر مەحمود وەیسی
وه‌رگێڕ: فایزه‌ حه‌مزه پوور

ده‌لاقه‌ی په‌نجا و دووهه‌م
1400/01/26

چەندە باشە کە گوناحەکانمان ئاشکرا نین و هیچ ڕەنگ و بۆنێکیان نییە. ئەگەر ئەمجۆرە بایا ڕووسیا و بێ ئابڕوو دەبووین و هیچ کەسێک توانای هاونشینی لەگەل ئێمەی نەدەبوو و بەناچار هەموو ڕۆژێ و هەموو کات دەبوو خۆمان بشۆردایا. لەوانەیە دەبوو لەژێر باران ژیانمان کردبایا و دووبارە چ باشە ئەوه‌ی کە درۆیەکانمان ڕواڵەتمان ناگۆڕن، چوونکە بەم شێوەیە تەنانەت بۆ چرکەساتێکیش یه‌کترمان نەدەناسییەوە.
کەوایە ئەی خوای دڵۆڤان و لێبووردە و ئەی پۆشانندە و بەخشەندە و ئەی خوای ڕەمەزان، بەهۆی ئەو هەمووە دڵنەرمی و سۆزه‌ته‌وه‌، شوکرانەبژێریت دەکەین.
نووسه‌ر: دکتۆر مەحموود وەیسی
وه‌رگێڕ: فایزه‌ حه‌مزه‌پوور

ده‌لاقه‌ی په‌نجا و یه‌كه‌م
1400/01/23

هەرکەسێك فێری قوڕئان بێت، نرخ و بەهای گەورەی دەبێت،
هەر کەسێك لە (فیقهـ)دا قسەی کرد، قەدری گران دەبێ،
هەر کەسێك له‌ زانستی فه‌رمووده‌دا بنووسێت، ئەوە بەڵگە و پاڵپشتییه‌كی بەهێزی دەبێت،
هەر کەسێك سەیری زانستی زمانی کرد و لێی وردبۆوە سرووشتی جوان دەبێت،
هەر کەسێك وەک خۆی سەیری کرد، ئەوە بۆچوونەکانی جوان دەبن و
هەر کەسێك نەفسی نەگرێتەوە، هەرگیز عیلم و زانستەکەی سوودی پێ ناگەیەنێت.

ئیمامی شافیعی