ده‌لاقه‌ی هه‌شتا و سێهه‌م
1400/10/01

نەخۆشی، جەستە پاك دەكاتەوە وەك زەكات پارە پاك دەكاتەوە، ھەر جەستەیەک نەخۆش نەكەوێ، وەك ماڵێك وایە زەكاتی نەدرێ.

حەسەنی بەسڕی

ده‌لاقه‌ی هه‌شتا و دووهه‌م
1400/09/19

پێشەوامان ﷺ دەفەرموێ:

«سوێند بەوەی نەفسی منی بە دەستە، ئەگەر هەڵە و تاوانتان تا نێوانی ئاسمان و زەوی زۆر بێ و پاشان داوای لێخۆشبوون لە الله بکەن، لێتان خۆش دەبێ»

السلسلة الصحيحة ١٩٥١

ده‌لاقه‌ی هه‌شتا و یه‌كه‌م
1400/09/19

سەبرگرتن گەنجینەیەکە لە خێر، خودای گەورە نایبەخشێت
ئیلا بە عەبدێک نەبێ کە له لای بەڕێز بێ.

حەسەنی بەسڕی

هه‌شتاهووم
1400/09/19

هەر کەسێك قسەی زۆر بێ، هەڵەی زۆریش ئەکا
و هەر کەسێك هەڵەی زۆر کرد، شەرم و حەیاشی کەم ئەبێ
و هەر کەسێك شەرم و حەیای کەم بێ، وەرعیشی کەم ئەبێ
و هەر کەسێك وەرعی کەم بێ، دڵی ئەمرێ.

(وەرع: واز هێنانە لە شتێك کە زەرەری هەبێ بۆ قیامەت)

ئیمامی عومەر
روضة العقلاء ونزهة الفضلاء (١/٤٤)

ده‌لاقه‌ی حه‌فتا و نۆهه‌م
1400/09/18

وانە نوورینەکانی قوڕئانی پیرۆز

موبایلەکەت بێ دەنگه؟

وَتُكَلِّمُنَا أَيْدِيهِمْ وَتَشْهَدُ أَرْجُلُهُمْ بِمَا كَانُوا يَكْسِبُون

ئەمڕۆ قفڵمان لە زاری داون، دەستەکان قسەمان لەگەڵ دەکەن و قاچەکانیان شایەد حاڵن لەسەر ئەو ئاکارەی پێداگریان لەسەر دەکرد.

بترسێن لەو ڕۆژەی ئیتر کەرەسەی بەرگری و دیفاعمان لێ دەستێننەوە و زمانێک نیە خۆمانی پێ ڕزگار بکەین.
ئەمڕۆ بە موبایل هەزار تاوانی ڕەنگاوڕەنگ دەکرێ و فریوی بێدەنگی ئەو دەخۆین و پەنجەکانمان لەسەر پەیج و ماڵپەڕ و کاناڵ و کۆڕەکانی جیاوز دەخولێتەوە و چاو شایەتی هەموو ئەو کارانەیه.

وانەی ئایەت: لە دونیای ئەمڕۆکەدا کەره‌ستەی تاوان زۆر و بەربڵاوە، لە تەنیاییەکانمان زۆرتر یادی خوا و دواڕۆژ بکەین بە تایبەت دیمەنی کاتی دەم قفڵ بوونمان لەبەرچاو وێنا بکەین.
ئاخۆ دەست و چاو و قاچەکانمان شاهیدی چیمان بۆ دەدەن؟

شەیدا مەحموودی

ده‌لاقه‌ی حه‌فتا و هه‌شته‌م
1400/09/18

وانه نوورینەکانی قوڕئانی پیرۆز

پێناسەی مرۆڤ

مَّا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيد

مرۆڤ هیچ وتەیێکی لە دەم وەدەر ناکەوێ مەگەر ئەوەی کە فریشتەیێکی چاودێر لەسەری ئامادەیە و تۆماری دەکا

ئاخاوتن یه‌کێ لە نیعمەتە ناوازەکانی خواگیانە کە بە مرۆڤی بەخشیوە و چییەتی قسەکردن و هەڵبژاردنی وشە و چۆنیەتی بیرو ڕا دەربڕین و هەڵسوکەوت هەموو لە ئیختیاری مرۆڤ دان.
مرۆڤ بە گشتی بێ عەیب نیە و هەڵەکاری زۆرە .
بەڵام قاو دانی بەندەکانی خوا لە ئاکارە قێزەونەکان بە ئەژمار دێ و تووڕەیی خوای لە دووە.
کەوایە هەمووکات بەتایبەت ئاگاداری زمان و قسەکانمان بین، فریشتەکان تەنانەت یەک وشە لەبیر ناکەن.

وانەی ئایەت: وتەی جوان و شیرین و گران و سەنگین پێناسەی کەسایەتی هەر مرۆڤیکە بە داشکانی خەڵک هیچ کات بەرز نابیتەوە

شەیدا مەحموودی

ده‌لاقه‌ی حه‌فتا و حه‌وته‌م
1400/09/01

دونیا ماڵی ئەنجامدانی ڪردەوە ڪردنە و دواڕۆژیش ماڵی وەرگرتنەوەی پاداشتە، هەرڪەسێك لە دونیادا ڪردەوە ئەنجام نەدا، لەڕۆژی دوایی پەشیمان دەبێتەوە...

ئیمامی ئەحمەد - الزهد_للبیهقي (۲۸۲)

ده‌لاقه‌ی حه‌فتا و شه‌شه‌م
1400/09/01

سێ دەرگا هەیە "شەیتان" لێیەوەی ئەچێتە لای بەندە:
❶ لە کاتی بێ ئاگابوون...
❷ لە کاتی ئارەزوودا...
❸ لە کاتی تووڕەبووندا...

ئیبنی قه‌ییێم

ده‌لاقه‌ی حه‌فتا و پێنجه‌م
1400/09/01

حاڵی ئافرەتی باوەڕدار لـە بەهەشتا لـە حاڵی
"حور العین" باشترە، پلەیان بەرزترە و زۆر جوانترن لە حۆریەڪان...

ئیمامی قورتبی

ده‌لاقه‌ی حه‌فتا و چواره‌م
1400/08/23

هیچ کەسێک ناتوانێ هێندەی خۆمان ئازارمان بدات. توێژینەوەکان دەریانخستووە کە زۆرترین هۆکاری نەخۆشییەکان و سەختی و کێشە و شکستەکانی مرۆڤ خۆیانن. ئەگەر دەمانەوێ دوای ساڵانێک ژیان، کاتێک ئاوڕ لە ڕابردوومان دەدەینەوە، وێنەیەکی جوان ببینین،
بڕیار: بە لێکۆڵینەوە
و هەوەسەکان، به ئاوەزمەندێتی و عەقڵیەت
و توڕەبوون، به خۆڕاگری و سەبر و
تۆڵەسەندنەوە، به فرامۆشی و له‌یادکردن و
بەندەگی و عیبادەت، به‌بێ چاوەڕوانی و
خزمەتکردنی خەڵک، به‌بێ ناو و نیشان
و له کۆتاییشدا دڵەکانمان له گەڵ خودادا پێوەند بدەین...

دکتۆرمەحموود وەیسی

ده‌لاقه‌ی حه‌فتا و سێهه‌م
1400/08/23

وانە نوورینەکانی قوڕئانی پیرۆز

خوا ئاواتەکانت دێنێتە دی

«اللَّهُمَّ اكْفِنِي بِحَلاَلِكَ عَنْ حَرَامِكَ، وَأغْنِنِي بِفَضْلِكَ عَمَّنْ سِواكَ»:
خوایە! من لە حەڵاڵی خۆت، لەو شتەی حەرامە لێم، کفایەت بکە و بە گەوەرەیی خۆت لە غەیری خۆتم بێ‌نیاز بکە.

بۆ بەندەی سەرلێشێواو بەسە بیر لەم ئایەتە پیرۆزه‌ بکاتەوە و خۆی لە تراویلکەی گومان و پشتبەستن بە غەیری خوا و داخوازی لە بەندەکان، ڕزگار بکا.
بیر و باوەڕی قووڵ وا لە مرۆڤ دەکا، متمانەی تەواو بە خوا بکا و لە نیهایەتدا هەموو شت بەوی بسپێرێ و دەره‌نجامی ئەو تەوەکوولە هیدایەتی خوای لەگەڵە و باشترین بڕیار دەگری.
کەوایە کێ لە خوای بە دەسەڵات و قادر و حەکیم باشتره‌ متمانەی پێ بکەین.
بەو شێوە متمانە بە خۆبوونمان بەرز دەبێتەوە و واز لە غەیری خوا دێنین.

وانەی ئایەت: داوای ئیمان و ڕزق و بەرەکەت و بەختەوەری و سەرکەوتن و شیفا و دڵارامی تەنیا و تەنیا لە خوا بکە، خۆی باشترین بیسەر و بینەرە
مرۆڤەکان گشتی موحتاج و بێدەسەڵاتن و ئەگەریش دەتوانن کارێک بکەن، خوا لە دڵیان داوێ و خوا هۆکارە ئەوان وەسیلەی خێر بن.

وه‌رگێڕ: شەیدا مەحموودی

ده‌لاقه‌ی حه‌فتا و دووهه‌م
1400/08/23

وانە نوورینەکانی قوڕئانی پیرۆز

ژیانەوە و سەرهەڵدان

... لَا تَدْرِي لَعَلَّ ﷲ يُحْدِثُ بَعْدَ ذَلِكَ أمرا

تۆ نازانی، چ مەعلووم خوا لە دوای ئەو ڕووداوە بارودۆخێکی نوێت بۆ دەڕه‌خسێنێ.

ئەو ئایەتە دڵبزۆین و پڕهیوایە سووکنابەخشی مرۆڤەکانە لە کاتی تەنگ و چەڵەمە و شکستەکان
زۆر کات شەڕ مایەی خێرە بەو مانایە کە خوا ڕۆحت لە ئاشی زەماندا دەهاڕێ بۆوەی بە کەماڵ و بەخۆداچوونەوە بگەی
زۆر کێشە و گرفت دەسپێکی ڕێگەی نوێ لە ژیانن و پەیژەی سەرکەوتنە گەورەکانن
کەوایە مرۆڤ دەبێ سەبر بگرێ و حیکمەتی ڕووداوەکان ببینێ و هەموو کات دڵخۆش و هیوادار بێ و پشت بە خوا ببەستێ، بێگومان خوا لای کەسانی هیوادارە و سەرکەوتوویان دەکا.

وانەی ئایەت: ژیانی مرۆڤ پڕی تەنگ و چەڵەمە و کێشە و خەم و ئازارە، بەڵام هیوا بە خوا و سەبر بە ڕەحمەت و حیکمەتی خوا، مرۆڤ گەوەرە و سەبوور و قانع دەکا و هەرگیز ڕووی بێ هیوایی نابینێ و داییم دڵخۆشە و کانگای ئارامیە و خەڵک لای وی هەست بە ئارامی دەکەن.

وه‌رگێڕ: شەیدا مەحموودی

ده‌لاقه‌ی حه‌فتا و یه‌كه‌م
1400/08/23

وانە نوورینەکانی قوڕئانی پیرۆز

قانوونی جەزب(ڕاکێشان بۆ لای خۆت) لە قوڕئاندا

فَبِمٰا رَحْمَةٍ مِنَ اَللّٰهِ لِنْتَ لَهُمْ وَ لَوْ كُنْتَ فَظًّا غَلِيظَ اَلْقَلْبِ لاَنْفَضُّوا مِنْ حَوْلِكَ فَاعْفُ عَنْهُمْ وَ اِسْتَغْفِرْ لَهُمْ وَ شٰاوِرْهُمْ فِي اَلْأَمْرِ فَإِذٰا عَزَمْتَ فَتَوَكَّلْ عَلَى اَللّٰهِ إِنَّ اَللّٰهَ يُحِبُّ اَلْمُتَوَكِّلِينَ.
ئالی عیمڕان/١٥٩

ئەی ڕەسووڵی خوا (د.خ) بە هۆی ئەو ڕەحمەتی کە لە لای خواوە پێت گەیشتووە، تۆ لەگەڵ خەڵک دڵسۆز و بە بەزەیی و ئەگەر دڵڕەق و بێ ڕەحم و بێ سۆز بای، خەڵک لە دەورت کۆ نەدەبوونەوە و بڵاو دەبوون.
کەوایە لێیان ببورە و بۆیان بپاڕێوە خوا لییان خۆش بێ و ڕاوێژیان لەگەڵ بکە و کاتی بڕیاردان پێداگر بە، پشت بە خوا ببەستە کە بەڕاست خوا کەسانێک پشتی پێ دەبستن خۆشی دەوێن.

چەند وانەی زۆر گرنگ لەو ئایەتە دەردەکەوێ:
کە ویستت خەڵکانێک بۆ لای خۆت ڕاکێشی، بەر له‌هەموو شت دەبێ بەخۆداچوونەوەمان بۆ خۆ هەبێ.
کەسی ڕەوشت ئیشک و بێ بزە و ڕۆح قورس ناتوانێ لە کاری پەروەردەییدا سەرکەوتوو بێ.
کەسی بە ڕەحم و میهرەبان و ڕوخسار گەشاوەی بەر لە هەموو شت، دڵی خۆی پێشکەش دەکا و خۆشی دەچێتە ناو دڵی خەڵکەوە و یەکەم هەنگاوە بۆ ڕاکێشانی خەڵک و خۆشەویستبوون لە کۆمەڵگادا.

لەم ئایەتە ئاماژە بە چەند خاڵی گرنگی کۆمەڵایەتی، ئەخلاقی کراوە
ڕاوێژکردن و ئاڵوگۆڕی ڕا و بۆچوون لە کارێکی جەمعیدا کلیلی سەرکەوتنە، کە خوا فێری پێغەمبەرەکەمانی دەکا و هەروەها پێداگری و قاتع بوون لەسەر ئامانج و و دروشم لە نەهایەتدا پشتبەست بە خوای گەورە، شۆنێکی گرنگ لەسەر سەرکەوتەکانمان دادەنێ.

وانەی ئایەت: مرۆڤ کە سۆز و ڕەحم و میهربانی خۆی پێشکەش کرد، بێگوومان هەر ئەوەش وەدەست دێنێ، چ لەگەڵ مرۆڤ بێ یا ئاژەڵ یا سرووشت
کەواتا قانوونی جەزب و ڕاکێشان دڵفراوانی و میهره‌بانی و فکر و هزری ئەرێنیە
ئەم ڕەوشتە بۆ کەسانی دەعوەتگەر زۆر بەکەڵک دێ.

وه‌رگێڕ: شەیدا مەحموودی

ده‌لاقه‌ی حه‌فتاهووم
1400/08/22

وانە نوورینەکانی قورئانی پیرۆز

ئێستا لە کۆی؟

وَأَنْ لَيْسَ لِلْإِنْسَانِ إِلَّا مَا سَعَى
نجم۳۹

و ئەوەیکە مرۆڤ جگە لە حەول و تێکۆشانی خۆی دەسکەوتێکی تری نیە

حەول و تێکۆشان هۆی شارەزایی و لێزانیە
کەسێ بەهیوا و تامەزرۆییەوە دەست بداتە پیشە و ئامانجێک و لەو ئیشە هەستێکی ئەرێنی هەبێ و لێی وەڕەز نەبێ، خوا بەرەکەتی پێ دەبەخشێ و یاریکار و ڕێ نیشاندەری دەبێ
تا ئەو کاتەی هەست بە بەرپرسیارەتی نەکەین، بێ حەڕەکە بین، نابێ چاوەڕوانیمان هەبێ خوا سەرکەوتوومان بکا

وانەی ئایەت: مرۆڤە سەرکەوتووه‌کان بە حەول و ماندوویەتی و نەوەستان، پشتیان بە خوا بەستووە و هیچ کەس بێ ڕەنج و کێشە بە لووتکە ناگا

وه‌رگێڕ: شەیدا مەحموودی

ده‌لاقه‌ی شه‌ست و نۆهه‌م
1400/08/22

وانه‌ نوورینه‌كانی قوڕئانی پیرۆز

هه‌ڤاڵانی خودایی

اَلْأَخِلاّٰءُ یَوْمَئِذٍ بَعْضُهُمْ لِبَعْضٍ عَدُوٌّ إِلاَّ الْمُتَّقِین

دۆستان ئەو ڕۆژه‌ی (ڕۆژی پەسڵان) دەبن بە دۆژمنی یەک، مەگەر ئەهلی تەقوا و خۆپارێزی نه‌بێ.

کەسانێک بەبۆنەی خوا گیان و بەخاتری وی یەکتریان خۆش دەوێ و ئامانجیان پاکە و بە هەوێنی خواوە بەستراون، ئەوا ئەم دۆستایەتیە لە دۆنیا و دواڕۆژ بەکەڵکیان دێ و هیچ کات دوژمنایەتی بە دوودا نایە.

وانەی ئایەت: ئاگاداری دۆستییەکانمان بین، سنووری خوایی بۆ هاتوچۆ و پێوەندییەکانمان دابنێیین.
نەکا ئەمڕ و ڕۆژی دوایی خەسارەتمەند و پەشیمان بین.

وه‌رگێڕ: شەیدا مەحموودی