له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا

له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا

ڕۆژی دووشه‌ممه‌ ٢٧ی بانه‌مه‌ڕی ١٤٠١ له‌ نووسینگه‌ی ناوه‌ندی جه‌ماعه‌ت به‌ به‌شداریی به‌رپرسی لێژنه‌ی به‌ڕێوبه‌رایه‌تی جه‌ماعه‌ت و تاقمێك له‌ به‌رپرسان و ئه‌ندامانی ناوه‌ندی ڕێز له‌ ڕه‌ئووف ئازه‌ری، چالاكوانی ئاشتی و براوه‌ی خه‌ڵاتی خۆڕاگری گلووپی ئێران گیرا.

ڕه‌ئووف ئازه‌ری له‌و دانیشتنه‌دا باسی له‌ چۆنیه‌تی پێكهێنان و به‌ئاكام‌گه‌یاندنی ئه‌و پڕۆژه‌ فێركارییه‌ی ئاشتی كرد.

ئه‌و له‌ یه‌ك ده‌یه‌ی ڕابردوودا چالاكی له‌ بواری فێركاری ئاشتی له‌ قوتابخانه‌كانی نموونه‌یی ده‌ست پێ كرد و له‌ مه‌ودای كاریی خۆیدا كاری له‌سه‌ر سێ ته‌وه‌ری دڵۆڤانی، وتووێژ و ئاشتی له‌ پێنج هه‌رێمدا له‌گه‌ڵ مناڵان و مێرمناڵان و لاوان كردووه‌.

ڕه‌ئووف ئازه‌ری به‌ پڕۆژه‌ی ئاشته‌وایی له‌ به‌شی لاوان پله‌ی یه‌كه‌ی خه‌ڵاتی خۆڕاگری گلووبی ئێران – ئۆسكاری خۆڕاگری- به‌ده‌ست هێنا.

له‌ درێژه‌دا هه‌ركام له‌ ئاماده‌بووان وێڕای باسكردنی‌ ئه‌زموونی ژیانیان له‌ چالاكی و به‌شداریی كۆمه‌ڵایه‌تییان له‌ بواره‌كانی گیرۆده‌یی و پسپۆڕی خۆیان، جه‌ختیان له‌سه‌ر پێویستی و گرینگییدانی زیاتر به‌ بواری ژینگه‌پارێزی وه‌ك بنه‌ما و ڕوانگه‌یه‌كی تایبه‌تی ئاماژه‌پێكراو له‌ ڕیساله‌تی خزمه‌تگوزاری جه‌ماعه‌تدا كرد.

له‌ كۆتاییشدا به‌مه‌به‌ستی ڕێزنان له‌ هه‌وڵ و تێكۆشانه‌كانی ئه‌و چالاكوان و بیرداڕێژه‌ سه‌ركه‌وتووه‌ی بواری ئاشتی و دڵۆڤانی، له‌وحی ڕێزنان له‌ لایه‌ت پێوه‌ندییه‌ گشتییه‌كانی جه‌ماعه‌تی ده‌عوه‌ت و ئیسلاحه‌ پێشكه‌شی كرا.

له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا
له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا
له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا
له‌ ناوه‌ندی جه‌ماعه‌ت ڕێز له‌ براوه‌ی خه‌ڵاتی خۆڕاگری گلووپی ئێران گیرا

.:: نوێ‌ترین ::.