لێژنه‌ی یه‌كیه‌تی جیهانی زانایانی موسوڵمان دانیشتنێكی تایبه‌تیان به‌ڕێوه‌ برد

لێژنه‌ی یه‌كیه‌تی جیهانی زانایانی موسوڵمان دانیشتنێكی تایبه‌تیان به‌ڕێوه‌ برد

به‌یانی ئه‌وڕۆ خولی پێنجه‌می دانیشتنی تایبه‌تی لێژنه‌ی یه‌كیه‌تی جیهانی زانایانی موسوڵمان له‌ ڕێی ده‌زگای زوومه‌وه‌ به‌ڕێوه‌ چوو.

ئه‌و دانیشتنه‌ به‌ مه‌به‌ستی تاوتوێكردنی ڕێنامه‌ و ستراتێژی یه‌كیه‌تی له‌ پێوندی نێونه‌ته‌وییدا به‌ڕێوه‌ چوو و دوو ڕۆژ درێژه‌ی كێشا.

لێژنه‌ی یه‌كیه‌تی كه ٤٥ ئه‌ندامی هه‌یه‌، له‌ دانیشتنه‌كانی خۆیدا سه‌باره‌ت به‌ چاكسازی له‌ ڕێنامه‌ و په‌سندكردنیی و هه‌روه‌ها ستراتێژی یه‌كیه‌تی له‌ پێشبردنی پێوه‌ندی نێونه‌ته‌وه‌یی قسه‌ ده‌كا و هه‌روه‌ها باس له ‌هێندێ بابه‌تی نێو یه‌كیه‌تیش ده‌كات.

به‌شداربووان هه‌روه‌ها سه‌باره‌ت به‌ ته‌واوكردنی بابه‌ت، ڕاپۆڕت و ستراتێژییه‌كانی داهاتوو وتووێژ و ڕاگۆڕینه‌وه‌ ده‌كه‌ن و له‌ مه‌ودای دانیشتنه‌كاندا، جیا له‌ بابه‌ته‌ گشتییه‌كان، چالاكییه‌كانی نووسینگه‌كانی یه‌كیه‌تیش تاوتوێ ده‌كه‌ن. یه‌كیه‌تی جیهانی زانایانی موسوڵمان ڕێكخراوه‌یه‌كی ئیسلامی و جه‌ماوه‌رییه‌ كه له‌ ته‌واوی وڵاتانی موسوڵمان و هه‌روه‌ها له‌نێو كه‌مینه‌ و گرووپه‌ ئیسلامییه‌كان ئه‌ندامی هه‌یه‌.

ئامانجی یه‌كیه‌تی لێپرسینه‌وه‌ و كارناسیكردنی گرفته‌كانی موسوڵمانان و پێشكه‌شكردنی ڕێچاره‌ و خزمه‌ته‌ له‌ چوارچێوه‌ی ڕێكخراوه‌یه‌كدا كه زانایان له‌ودا ڕۆڵی ڕێبه‌ری و سه‌ره‌كیان هه‌یه‌. سه‌رچاوه‌: ماڵپه‌ڕی یه‌كیه‌تی

ده‌نگێ نه‌دراوه

.:: نوێ‌ترین ::.

وتە شیرینەکان، ژیان دروست دەکەن هه‌وارگه‌ی دڵان (1400/08/30)
ئامۆژگاری باوکێک بۆ کوڕەکەی... هه‌وارگه‌ی دڵان (1400/08/21)
كۆڕی هاوده‌می له‌گه‌ڵ قوڕئان له‌ ئیرانشار به‌ڕێوه‌ چوو روابط عمومی، هه‌واڵه‌کانی ئیسلاح وێب (1400/08/21)