كارگه‌ی فێركاری «به‌وره‌یی» له‌ سیلوانا به‌ڕێوه‌ چوو

كارگه‌ی فێركاری «وره‌مه‌ندی» له‌ سیلوانا به‌ڕێوه‌ چوو

كارگه‌ی فێركاری «به‌وره‌یی» به‌ ئاماده‌بوونی دلێر عه‌بباسی شه‌وی پێنجشه‌ممه‌ی ٢٢ی ڕه‌زبه‌ری ١٤٠٠ به‌ به‌شداری ئه‌ندامانی جه‌ماعه‌تی ده‌عوه‌ت و ئیسلاح له‌ سیلوانا به‌ڕێوه‌ چوو.

دلێر عه‌بباسی كارناسی باڵای فه‌لسه‌فه‌ی ئه‌خلاق و به‌رپرسی جه‌ماعه‌تی ده‌عوه‌ت و ئیسلاحی نووسینگه‌ی سه‌رده‌شت به‌ باس له‌وه‌یكه «به‌وره‌یی» پێویسته له‌ سه‌ردێڕی كار و به‌تایبه‌ت كاری ده‌عوه‌ت دانرێت، وتی: «بێ‌وره‌یی له‌ گه‌وره‌ترین مه‌ترسی و له‌ كۆسپه‌كانی ده‌عوه‌ت هه‌ژمار ده‌كرێ. مرۆڤی به‌وره‌ كه‌سێكه كه هه‌ست، بڕوا و بۆچوونی خۆی به‌ڕوونی و ڕاشكاوی ده‌رده‌بڕێت».

ئه‌و وێڕای باسكردن له‌ ڕێگاكانی نیشاندانی ئه‌و تایبه‌تمه‌ندییه‌، ئاماژه‌ی به‌ قازانجه‌كانی وره‌ كرد و بردنه‌سه‌ری متمانه‌به‌خۆیی له‌ گرینگترین ده‌سكه‌وته‌كانی وره‌ی نێو برد.

ئه‌و له‌ درێژه‌دا، باسی له‌ شێوازه‌كانی فێركردنی هه‌سته‌كانی جۆراوجۆر به‌ منداڵان و شێوازه‌كانی كارامه‌كردنی ئه‌وانی كرد و وتی: ئێمه پێویسته هێزی «نه» وتنمان فێری مناڵه‌كانمان بكه‌ین.

عه‌بباسی له‌ كۆتاییدا باسی له‌ تایبه‌تمه‌ندییه‌كانی وره‌به‌خشی له‌ جه‌ماعه‌تی ده‌عوه‌ت و ئیسلاح كرد و "ئیمان"ی وه‌ك گرینگترین هۆكاره‌كانی به‌هێزكردنی وره‌ نێو برد.

عه‌بباسی له‌ كۆتاییدا وێڕای باس له‌ تایبه‌تمه‌ندییه‌كانی كه‌سه‌ به‌وره‌كان، هێندێ نموونه‌ی له‌ قوڕئانی پیرۆز سه‌باره‌ت به‌ وره‌ی پێغه‌مبه‌ران هێنایه‌وه‌ و نه‌فس‌به‌رزی له‌ گرینترین سه‌مه‌ره‌كانی وره‌ی هه‌ژمار كرد.

له‌ كۆتایی كارگه‌ی فێركاریدا، موحه‌ممه‌د ئیرانخاهـ به‌رپرسی جه‌ماعه‌تی ده‌عوه‌ت و ئیسلاحی نووسینگه‌ی سیلوانا دوای به‌خێرهاتنی میوانان، به‌ بۆنه‌ی هاتنی مانگی پیرۆزی ڕه‌بیعولئه‌ووه‌ل، مانگی له‌دایكبوونی پێغه‌مبه‌ری ئازیز(د.خ) پیرۆزبایی له‌ هه‌موو لایه‌ك كرد. ئه‌و له‌ درێژه‌دا باسی له‌ هێندێ له‌ بابه‌ت و چالاكییه‌كانی پێوه‌ندیدار به‌و مانگه كرد. زیندووكردنه‌وه‌ی سوننه‌ت، شێوه‌ و ژیاننامه‌ی پێغه‌مبه‌ر(د.خ) و گرینگیدان پێی و كاركردن به‌و له‌ گرینگترین به‌شی وته‌كانی ئه‌و بوو.

جێی ئاماژه‌یه‌ له‌ سه‌ره‌تای ئه‌و كارگه‌یه‌ مامۆستا خه‌لیل تیباش له‌ پێشه‌نگانی جه‌ماعه‌تی ده‌عوه‌ت و ئیسلاح له‌ به‌شی سیلوانا، له‌ وتارێكی كورتدا به‌خێرهاتنی ئاماده‌بووانی كرد.

.:: نوێ‌ترین ::.

وتە شیرینەکان، ژیان دروست دەکەن هه‌وارگه‌ی دڵان (1400/08/30)
ئامۆژگاری باوکێک بۆ کوڕەکەی... هه‌وارگه‌ی دڵان (1400/08/21)
كۆڕی هاوده‌می له‌گه‌ڵ قوڕئان له‌ ئیرانشار به‌ڕێوه‌ چوو روابط عمومی، هه‌واڵه‌کانی ئیسلاح وێب (1400/08/21)