چالاکوانانی ژینگه‌پارێزی پاوه‌یی گیانیان لە دەست دا

چالاکوانانی ژینگه‌پارێزی پاوه‌یی گیانیان لە دەست دا

سه‌ كه‌س له‌ چالاكوانانی ژینگه‌پارێزی پاوه‌یی و ئه‌ندامی ئه‌نجوومه‌نی ژیوای ئه‌مڕۆ ٨ی پووشپه‌ڕ به‌هۆی ئاگركه‌وتنه‌وه‌ له‌ دارستانه‌كانی زاگرۆس گیانیان له‌ده‌ست دا.

«موختار خه‌ندانی» چالاكوانی ژینگه‌پارێزی پاوه‌یی، گوته‌بێژ و به‌رپرسی عه‌مه‌لیاتی ئه‌نجوومه‌نی ژیوای و دوو كه‌سی تر له‌ هاوكارانی به‌ نێوی یاسین كه‌ریمی و بیلال ئه‌مینی ئه‌مڕۆ ٨ی پووشپه‌ڕ گیانی له‌ده‌ست دا.

به‌گوێرەی ڕاپۆرتی ئیسلاحوێب، ئه‌مڕۆ یه‌كشه‌ممه‌ ڕێكه‌وتی ٨ی پووشپه‌ڕی ١٣٩٩ی هه‌تاوی ئاگر له‌ دارستانه‌كانی ناوچه‌ی بووزین و مه‌ره‌خێل له‌ پاوه‌ بەربوو. ئه‌نجوومه‌نی ژینگه‌پارێزی ژیوای كه ڕێكخراوه‌یەكی چالاكی ئاگركووژێنه‌وه‌ و ژینگه‌پارێزییه‌، به‌مه‌به‌ستی كووژاندنه‌وه‌ی ئاگره‌كه‌ خۆی ده‌گەنێته‌ شوێنی دیاریكراو و دوای هه‌وڵ و تێكۆشان بۆ كووژاندنه‌وه‌ی ئاگره‌كه‌، «موختار خه‌ندانی» چالاكوانی ژینگه‌پارێزی پاوه‌یی، گوته‌بێژ و به‌رپرسی عه‌مه‌لیاتی ئه‌نجوومه‌نی ژیوای و دوو كه‌سی تر له‌ چالاكوانانی ئه‌نجوومه‌نی ژیوای «یاسین كه‌ریمی» «بیلال ئه‌مینی» به‌هۆی كه‌وتنه‌ ناو گه‌مارۆی توندی ئاگره‌كه‌، گیانیان به‌خت کرد.

ئیسلاحوێب پرسه‌ و سه‌ره‌خۆشی خۆی ئاراسته‌ی که‌سوکار و خۆشه‌ویستانی و هاوکارانی خوالێخۆشبووان، ژینگه‌پارێزان و ژینگه‌دۆستان و به‌ڕووپارێزان و خه‌ڵکی ناوچەی هەورامان ده‌کات.

ده‌نگێ نه‌دراوه

.:: نوێ‌ترین ::.

دڵی شووشه‌كان مه‌شكێنن کۆمه‌ڵایه‌تی (1399/08/05)