په‌یامی سه‌ره‌خۆشی ئه‌مینداری گشتیی جه‌ماعه‌تی ده‌عوه‌ت و ئیسلاح به‌ بۆنه‌ی کۆچی دوایی مامۆستا مه‌لا سه‌عید سه‌لیمی

 په‌یامی سه‌ره‌خۆشی ئه‌مینداری گشتیی جه‌ماعه‌تی ده‌عوه‌ت و ئیسلاح به‌ بۆنه‌ی کۆچی دوایی مامۆستا مه‌لا سه‌عید سه‌لیمی

وَبَشِّرِ الصَّابِرِینَ. الَّذِینَ إِذَا أَصَابَتْهُمْ مُصِیبَةٌ قَالُوا إِنَّا لِلَّهِ وَإِنَّا إِلَیْهِ رَاجِعُونَ. أُولَئِکَ عَلَیْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِکَ هُمُ الْمُهْتَدُونَ(به‌قه‌ڕه‌: ١٥٥-۱٥٧)

هه‌واڵی کۆچی دوایی مامۆستا مه‌لا سه‌عید سه‌لیمی، پێشنوێژی پێشووی مزگه‌وتی ئیمام شافعی جوانڕۆ، له‌ خزمه‌تگوزارانی فه‌رهه‌نگی و دینی و باوکی به‌ڕێزی مامۆستای هێژا و برای به‌ڕێزم کاک عه‌بدولعه‌زیز سه‌لیمی ناخی هه‌ژاندین. هه‌ر وه‌ک قوڕئانی پیرۆز فێری کردووین که دونیا، ماڵی کاتی ئێمه‌یه‌ و هەموومان دره‌نگ یا زوو تامی مردن ده‌چێژین و به‌ره‌و ماڵی سه‌رمه‌دی ده‌ڕۆین. خۆش به‌حاڵی ئه‌و که‌سانه‌ی که به توێشووی ئیمان و پارێزگاری دونیای هه‌تاهه‌تاییان ئاوه‌دان ده‌که‌ن و به سه‌ربه‌رزی و ڕووسووری له‌ تاقیکردنه‌وه‌کان ده‌رده‌چن.

هیوام وایه که برای به‌ڕێزمان به‌ڕێز عه‌بدولعه‌زیز سه‌لیمی به‌ ڕوحێکی ئاگا و دڵێکی وشیار که به‌رهه‌می ساڵانێ هاونشینی له‌گه‌ڵ قوڕئان و نووسین و وه‌رگێڕان له‌ بواری ڕێنمایییه‌کانی ئیسلامیدا به‌ده‌ستی هێناوه‌، ئه‌و کاره‌ساته‌ ناخهه‌ژێنه به‌ سه‌بر و خۆڕاگری تێپه‌ڕ ده‌که‌ن.

به‌بۆنه‌ی کۆچی دوایی ئه‌و پیاوه‌ لێهاتووه‌ که دڵی هۆگری خزمه‌ت به‌ دین و کولتوور بوو، سەره‌خۆشی خۆم ئاراسته‌ی کۆمه‌ڵی دیندۆستان و فه‌رهه‌نگییانی وڵات ده‌که‌م و لە خوای میهره‌بان بۆ خوالێخۆشبوو پله‌ی به‌رز و لێبوورده‌یی و بۆ که‌سوکار و تازیه‌بارانی سه‌بری شیاو و پاداشی بێ‌ڕانه‌وه‌ داواکارم.

عەبدوڕڕەحمان پیرانی

ئه‌مینداری گشتیی جه‌ماعه‌تی ده‌عوه‌ت و ئیسلاح