شه‌وبێداری

شه‌و بێداری

شەو بێداری

 

جەرای بەندەگی، هۆشیاری وەشەن

جە نیمە شــەوان، بێداری وەشـەن

بێداری وەشەن، هەمڕای فکر بۆ

زوبانت پاراو، وەنــەی زیکـر بۆ

جە خەڵوەتە کات، شەیتان را نەدەی

ســەرمایە و ژیویت، بە فەنا نەدەی

بلـــی وەر بەرە، خـودای بێداری

هەڵە و تاوانێ، وێت هۆر ژماری!

واچی خودا گیان، ڕەحم فراوان

ئامانا بەرەت، بە کوڵـــی تاوان

دەفتەرم سیاو، ڕووەم ســیاوتەر!

بیەنا مۆستەحەق، ئایری سەقەر

تەقسیرم نەبیەن، جە جۆرم و تاوان

کەفتەنا شۆنەو، یاگەپای شـەیتان!

فەریبـم واردەن، چـــی دۆنیای فانـــی

حەیران و مەدهۆش، وەش گۆزەرانی!

مەخفی کاریەکێم، لات ئاشـــکارەن

خەجاڵەت مەندیم، جە دوور دیارەن

ئانە تۆ فەرمان، پاســـــەم نەکەردەن

پەی پەی جە ژیوایم، فەریبم وەردەن!

بەڵام ئێقـــرارم، هـــەن بـە تـەنیاییت

بە ڕەحم و بەخشش، لوتف‌ و خوداییت

یەقینم پاسـەن، بە گـۆشـەی کەرەم

تاوی بەخشـیم و، نەوزیم جەهەننەم

چێش مەبۆ شەیئێ، باوە ڕیم حەساو؟

یاگێ‌ و هەڵەکام، پەڕ کەری سـەواو؟

چونکە دەست مەی و ئاسانەن جە لات

گۆشـــەی ڕه‌حمه‌تیم، بکەرە خــــەڵات

هــەتـا دوور گنــو، جـە خـەم و خـەفەت

(غەریب)یم پەیم بۆ، سەر مایە‌ و مێکنەت

بە لارە ملیم، شـــەیتان شــــاد نەبۆ

ڕەنج و زەحمەتم، کۆل بەر باد نەبۆ

 

ئیسماعیل ڕزائی (غەریب) - کرماشان ـ حیکمەت ئاوا

ده‌نگێ نه‌دراوه

.:: نوێ‌ترین ::.

ڕه‌وشتبه‌رزێكی زانا روابط عمومی، ئه‌هلی سوننه‌تی ئیران (1399/03/05)
شه‌وبێداری رمضان، ئه‌ده‌ب و هونه‌ر (1399/03/01)
غرووبت بۆ من سروورە ئەی ماهی نوور رمضان، ئه‌ده‌ب و هونه‌ر (1399/02/31)
دەنگی پێی میحڕابی دڵ رمضان، بیرو ڕا (1399/02/30)