په‌یامی پێوه‌ندییه‌ گشتییه‌کانی جه‌ماعه‌تی ده‌عوه‌ت و ئیسلاحی لقی ئازه‌ربایجانی ڕۆژاوا به‌ بۆنه‌ی کۆچی دوایی مامۆستا عەبدوڵڵا موسا خانقاه‍

په‌یامی پێوه‌ندییه‌ گشتییه‌کانی جه‌ماعه‌تی ده‌عوه‌ت و ئیسلاحی لقی ئازه‌ربایجانی ڕۆژاوا به‌ بۆنه‌ی کۆچی دوایی مامۆستا عەبدوڵڵا مو

دوێنێ ڕۆژی دووشه‌ممه‌ ١٢ی خه‌زه‌ڵوه‌ری ١٣٩٩ یه‌کێک له‌ ئه‌ندامانی دێرینی ئازه‌ربایجانی ڕۆژاوا مامۆستا عەبدوڵڵا موساخانقاه‍ به‌هۆی تووشبوون به‌ ڤایرۆسی کۆڕۆنا گیانی له‌ده‌ست دا.

پێوه‌ندییه‌ گشتییه‌کانی جه‌ماعه‌تی لقی ئازه‌ربایجانی ڕۆژاوا، به‌بۆنه‌ی کۆچی دوایی «مامۆستا عه‌بدوڵڵا موسا خانقاه‍» له‌ ئه‌ندامانی پێشڕه‌وی ئه‌و ڕێکخراوه‌ مه‌ده‌نییه‌ له‌ ڕه‌زایه‌، په‌یامێکی سه‌ره‌خۆشی بڵاو کرده‌وه‌.

ده‌قی په‌یامی پێوه‌ندییه‌ گشتییه‌کانی لقی ئازه‌ربایجانی ڕۆژاوا به‌م چه‌شنه‌یه‌:

کلُّ مَنْ عَلیها فَان وَ یبقَی وَجْهُ رَبَّک ذوالجلالِ والاکرامِ

به‌ینابه‌ین له‌ ده‌ربازی ڕۆژگار، له‌ دەربازی بێده‌نگی چرکه‌کانی دونیای نه‌مان، زه‌نگوڵه‌ی کاروان هه‌واڵی کۆچی ڕێبوارێک ڕاده‌گێنیت که بێده‌نگی سه‌ره‌تایه‌کی بێکۆتایی ده‌هۆنیته‌وه‌. به‌داخ و که‌سه‌رییه‌کی زۆره‌وه‌ هه‌واڵی کۆچی دوایی زانای پایه‌به‌رز، به‌ڕێز مامۆستا عەبدوڵڵا موسا خانقاه‍ له‌ ئه‌ندامانی پێشه‌نگی جه‌ماعه‌تی ده‌عوه‌ت و ئیسلاح له‌ ڕه‌زایه‌مان پێ گه‌یشت و خه‌مباری کردین.

پێوه‌ندییه‌ گشتییه‌کانی لقی ئازه‌ربایجانی ڕۆژاوا به‌ نوێنه‌ری له‌ خوشکان و برایانی پارێزگا، په‌رۆشی و سەرخۆشی خۆی به‌هۆی کۆچی دوایی برای خوالێخۆشبوومان ئاراسته‌ ده‌کا و داوا لە خوای گەورە ده‌کا که ڕوحانییه‌تی پاکی کۆچکردوو ئاویته‌ی سۆز و ڕه‌حمه‌تی خۆی بکات و له‌گه‌ڵ پێغه‌مبه‌ران و چاکه‌کاران کۆی بکاته‌وه‌ و سه‌بر و خۆڕاگریش به‌ که‌سوکار و به‌تایبه‌ت بنه‌ماڵه‌ی به‌ڕێزیان ببه‌خشێت.

پێوه‌ندییه‌ گشتییه‌کانی جه‌ماعه‌تی ده‌عوه‌ت و ئیسلاحی لقی ئازه‌ربایجان

١٢ی خه‌زه‌ڵوه‌ری ١٣٩٩

.:: نوێ‌ترین ::.

مامۆستا ئیبڕاهیم پارسا كۆچی دوایی كرد هه‌واڵه‌کانی ئیسلاح وێب (1401/04/27)