به‌یاننامه‌ی جه‌ماعه‌تی ده‌عوه‌ت و ئیسلاحی لقی كوردستان سه‌باره‌ت به‌ سووكایه‌تی ته‌له‌فیزیۆنی ناوخۆی پارێزگای كوردستان به‌ هه‌واڵانی پێغه‌مبه‌ری ئیسلام

به‌یاننامه‌ی جه‌ماعه‌تی ده‌عوه‌ت و ئیسلاحی لقی كوردستان سه‌باره‌ت به‌ سووكایه‌تی ته‌له‌فیزیۆنی ناوخۆی پارێزگای كوردستان به‌ هه‌و

بسم الله الرحمن الرحیم

سووکایه‌تی به‌ جێگران و یارانی پێغەمبەری ئیسلام(د.خ) له‌ ته‌له‌فیزیۆنی ناوخۆی پارێزگای کوردستان، بووه‌ هۆی بزواندن و برینداركردنی هه‌ستی ئایینیی سوننه‌كان. له‌ دۆخێکدا که زیاتر له‌ ڕابردوو پێویستیمان به‌ ڕێزی به‌رامبه‌ر و پاراستن و به‌هێزکردنی یه‌کیه‌تی نه‌ته‌وه‌یی هه‌یه‌، داگیرساندنی ئاگری ناکۆکی ئایینزایی و چاوپۆشیکردن له‌ هه‌ستی ئایینی و ئایینزایی گه‌له‌کانی ئێران، جگه له‌ گومانی خراپ، ناکۆكینانه‌وه‌، به‌رزبوونه‌وه‌ی تووڕه‌یی و ڕووشاندنی یه‌کگریی نه‌ته‌وه‌یی به‌رهه‌می دیكه‌ی لێ ناكه‌ویته‌وه‌.

له‌و بواره‌وه‌ به‌پێی ئه‌رکی شرعی و یاسایی، چه‌ند خاڵێک ده‌خه‌ینه‌وه‌ پێش چاو:

۱- قوڕئان و سوننه‌تی پێغه‌مبه‌ر(د.خ) فه‌رمان به‌ یه‌کێتی موسوڵمانان ده‌کا و داوایان لێ ده‌كا كه خۆیان له‌ دووبه‌ره‌کی و ناکۆکی بپارێزن: «واعتصموا بحبل الله جمیعا و لا تفرقوا». بۆیه‌ گرینگیدانی هه‌مه‌لایه‌نه‌ به‌ پاراستنی یه‌کگرتوویی، واجبێکی شه‌رعی و ئیسلامییه‌.

٢- یاسای بنه‌ڕه‌تی و بنه‌ماکانی فکری ڕژێمی کۆماری ئیسلامی ئێران گرینگی ته‌واو به‌ یه‌کانگیری ئیسلامی و یه‌کگرتوویی نه‌ته‌وه‌یی ده‌دا و کۆڕبه‌ندی جیهانی نزیکبوونەوەی ئایینزا ئیسلامییه‌کانیش هه‌ر بۆ ئه‌و ئامانجه پێک هاتوون، به‌ حوکمی ئایه‌ی: «ان هذه امتكم امه واحده و انا ربكم فاعبدون» ته‌واوی موسوڵمانان یه‌ک نه‌ته‌وه‌ن و حکوومه‌تی کۆماری ئیسلامی ئێران به‌رپرسه له‌وه‌یکه سیاسه‌تی گشتی خۆی له‌سه‌ر بنەمای هاوپه‌یمانی و یه‌کگرتوویی نه‌ته‌وه‌کانی ئیسلامی بنیات بنێت و بەرده‌وام هه‌وڵ بدات تاکوو یه‌کگری سیاسی، ئابووری و فه‌رهه‌نگی جیهانی ئیسلامی بێنیته‌ دی. (یاسای بنه‌ڕه‌تی خاڵی ١١)

هه‌وڵی ناکۆکینانه‌وه‌ به‌ چاوپۆشیکردن له‌ کاردانه‌وه‌ی مه‌زهه‌بی نه‌ته‌وه‌کانی ئێرانی، له‌گه‌ڵ یاسای گشتی که په‌یمانی نه‌ته‌وه‌یی ئێمه‌یه‌ و هه‌روه‌ها له‌گه‌ڵ ڕوانگه‌ی گشتیی ڕژێمی کۆماری ئیسلامی سازگاری نییه.

٣. کۆمه‌ڵگای ئێرانی، کۆمه‌ڵگایه‌کی ڕه‌نگاوڕه‌نگ و فره‌چه‌شنه و له‌ گه‌ل و ئایین و ئایینزای جۆراوجۆر پێک هاتووه‌. ئه‌گه‌ر به‌ ڕوانگه‌یێکی بەربڵاو چاو له‌ فره‌چه‌شنی و ڕه‌نگاوڕه‌نگی کولتووری ئێران بکه‌ین، ئه‌وه‌ ده‌بینین که وه‌ک ده‌رفه‌تێکی زێڕین و سه‌رمایه‌یێکی به‌نرخه‌. بێزارکه‌ری و بریندارکردنی هه‌ستی ئایینزایی ده‌توانێ ئه‌و ده‌رفه‌ته‌ به‌نرخه بکاته مه‌ترسییه‌ک له‌سه‌ر به‌رژه‌وه‌ندی وڵات.

٤. هه‌ستی به‌رپرسیاره‌تی نیشتمانپه‌روه‌ری هه‌ر یه‌ک له‌ ئێمه به‌ پێویستی ده‌زانێ که هه‌مبه‌ر جوڵه‌ ناشیاوه‌کانی که به‌رژه‌وه‌ندی نه‌ته‌وه‌یی و یه‌کێتی خه‌ڵکی ئێران بخاته مەترسی، به‌شێوازێکی ژیرانه کاردانه‌وه‌مان هه‌بێ. له‌ بەرپرسانی حکوومه‌ت و کاربه‌ده‌ستان چاوه‌ڕوانی ده‌کرێ که وێڕای دڵدانه‌وه‌ی هاووه‌ڵاتیانی ئه‌هلی سوننه‌ت و هه‌ڵکوتانه سه‌ر تاوانباران، پلانی کاریگه‌ر بۆ به‌رگری له‌ دووپاتبوونه‌وه‌ی ڕووداوی له‌و چه‌شنه به‌کار بگێڕدرێ.

پێوه‌ندییه‌ گشتییه‌کانی جه‌ماعه‌تی ده‌عوه‌ت و ئیسلاحی لقی کوردستان، سووکایه‌تی به‌ جێگران و هه‌وا‌ڵانی له‌ ته‌له‌فیزیۆنی ناوخۆی پارێزگای کوردستان شه‌رمه‌زار ده‌کا و له‌ به‌ڕێوبه‌ران و بەرپرسانی پێوه‌ندیدار داوا ده‌کا به‌ ڕه‌چاوکردنی به‌رپرسیاره‌تی نه‌ته‌وه‌یی و ئایینیی خۆی و گرینگیدان به‌ به‌رژه‌وه‌ندی گشتی و خێروسه‌ڵاحی وڵات، شایه‌تی گرینگیپێدانی زۆرتر و ڕێکار به‌ره‌و یه‌کترقه‌بووڵکردن و ڕێزی به‌رامبه‌ر بین و پێش به‌ هه‌موو كردارێكی له‌م چه‌شنه بگرێ كه‌ یه‌كڕیزی نێو كۆمه‌ڵگا ده‌سووتێنێ.

پێوه‌ندییه‌ گشتییه‌کانی جه‌ماعه‌تی ده‌عوه‌ت و ئیسلاحی لقی کوردستان

١٤ڕه‌زبه‌ری ١٣٩٩هه‌تاوی

.:: نوێ‌ترین ::.

نەخۆشی لە چاوی دوومەوە هه‌وارگه‌ی دڵان (1399/09/02)
پێغه‌مبه‌ر(د.خ) وه‌ك نوور ئه‌ده‌ب و هونه‌ر (1399/08/17)