یەکێتیی جیهانی زانایانی مسوڵمان لە سێدارەدانی ناڕەوا و بەناحەقی لاوانی میسری ئیدانە کرد

یەکێتیی جیهانی زانایانی مسوڵمان لە سێدارەدانی ناڕەوا و بەناحەقی لاوانی میسری ئیدانە کرد

یەکێتیی زانایان جەختی کردەوە ڕشتنی خوێنی کەسانی بێتاوان، گوناه و هەڵەیەکی گەورەیە و لادان و ترازانی ڕێکخراوە ئاینییەکان، بەشداریکردنە لە خوێنڕشتن و هۆکارە بۆ بڵاوبوونەوەی ئاگری فیتنە و کوفر و بێباوەڕی.

یەکێتیی زانایان ڕەخنەی لەو دادەورانە گرت کە حوکمی لەم شێوەیە دەردەکەن و جەختی کردەوە بە بڕیارەکانیان شەریکەتاوان و بەرپرسی سەرەکی ئەم جۆرە جەنایەت و کارەساتانەن.

  یەکێتیی زانایان هەروەها هەلوێستی ڕێکخراوەگەلی جیهانی مافی مرۆڤی بەرز نرخاند کە ئیدانەی ئەم ئیعدامە زاڵمانە و نادادگەرانەیان کردبوو. 

دەقی ئیدانەکردنی ئەم کارەساتە لە لایان یەکێتی جیهانی زانایانی مسوڵمان:    

الحمد لله، والصلاة والسلام على رسول الله، وآله وصحبه ومن والاه، وبعد،،

یەکێتیی جیهانی زانایانی مسوڵمان، بەوپەڕی خەم و پەژارە، لە هەواڵی ٩ کەس لە لاوانی بێتاوانی میسر ئاگادار کرایەوە. ئەم لاوانە پاش ئەوە لە سێدارە دراون کە دەسەڵاتدارنی میسری لەژێر ئەشکنجە و شۆکی ئەلێکتریکی بە تاوانباریان لە قەڵەم داون؛ تۆمەتباران لە میانەی دادگاییکردن ئاشکرایان کردبوو کە 

کاتی لێکۆڵینەوەکان ئەشکەنجە دراون . پێشتریش ئەژمارێکی تر بەم شێوەیە لە سێدارە درابوون. بەپێی ڕاپۆڕتی ڕێکخراوەکانی مافی مرۆڤ، ڕژێمی میسر لە ساڵی  ٢٠١٣دا بۆ زیاتر لە ٢٥٣٢ کەس بە تۆمەتگەلی جۆراوجۆری سیاسی و هتد حوکمی سێدارەی دەرکردبوو، هەروەها لە نێوان ساڵەکانی ٢٠١٣ تا ٢٠١٨ش زیاتر لە ١٧٠ کەسی لەسێدارە داوە. ڕژێم لە فێوریەی ساڵی ٢٠١٩ش لە هەڵمەتێکی پڕ مەترسی ٩ کەس لە لاوانی هەڵکەوتووی لەسێدارە دا کە ئەوانە جیا لەو ٦ کەسە بوون کە پێشتر ئیعدام کرابوون. بەپێی ئامارەکان ڕژێمی هەنووکەی میسر لە کارنامەی خۆیدا زۆرترین ئەژماری لەسێدارەدراونی سیاسی لە مێژووی ئەو وڵاتە تۆمار کردووە. 

یەکێتی جەخت دەکاتەوە کە ڕشتنی خوێنی پاکان و بێتاوانان، گوناه و تاوانێکی گەورەیە. خوای مەزنیش دەفەرموێ: 

"وَمَن يَقْتُلْ مُؤْمِنًا مُّتَعَمِّدًا فَجَزَاؤُهُ جَهَنَّمُ خَالِدًا فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَابًا عَظِيمًا". [نساء: ۹۳].

هەرکەس بە ئانقەسد ئیماندارێک بکووژێ سەزاکەی دۆزەخە و بۆ هەمیشە تێیدا ئەمێنێتەوە؛ خوا لەو کەسە تووڕەیە و نەفرەتی دەکات و عەزاب و ئازارێکی گەورەی بۆ فەراهەم کردووە.

"مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الْأَرْضِ فَكَأَنَّمَا قَتَلَ النَّاسَ جَمِيعًا". [مائده: ۳۲]. 

هەرکەس یەکێ تر-بەبێ ئەنجامی تاوانی گەورە یا لەغەیری تۆڵەی کەسێکی تر- بکووژێ، وەک ئەوە وایە هەموو خەڵکی کوشتبێ.

"وَلَا تَقْتُلُوا النَّفْسَ الَّتِي حَرَّمَ اللَّهُ إِلَّا بِالْحَقِّ ۗ وَمَن قُتِلَ مَظْلُومًا فَقَدْ جَعَلْنَا لِوَلِيِّهِ سُلْطَانًا فَلَا يُسْرِف فِّي الْقَتْلِ إِنَّهُ كَانَ مَنصُورًا". [اسراء: ۳۳].

ئەوە نەفسە بە ناحەق مەکووژن کە خوا پاراستوویەتی و سنووری بۆ داناوە، ، هەر کەسیش لەژێر باری ستەم کوژرابی، [بۆ تۆڵەکردنەوە] دەسەڵاتمان بە سەرپەرشتەکەی داوە کە ئەویش چونکە لە لایان ئێمەوە یارمەتی دراوە بۆی نییە زێدەڕۆیی بکا.

یەکێتی داوا لە ڕێکخراوە ئاینییەکان دەکات خۆیان لە هاوڕێیەتی لەگەڵ ڕژێمە دیکتاتۆڕەکان بپارێزن، چونکە لای وایە ئەم کارە دژ و پێچەوانەی ئامانجە پیرۆزەکانی ئایینە. یەکێتی ڕای وایە کە ئەو کارە ئاگری فیتنە و دووبەرەکی دادەگیرسێنێ و بەرپرسایەتی ئەو جەنایەت و خوێنڕشتنانە دەکەوێتە ئەستۆیان و لە تاوانەکان شەریک و هاوبەش دەبن .

یەکیتی هەروەها هەڵوێستی دامەزراوە نێوخۆیی و نێوەنەتەوەکانی مافی مرۆڤ کە لە هەمبەر ئەم جەنایەت و کارەساتە ناڕەزایەتییان دەربڕیوە و دژایەتییان ڕاگەیاندووە، بەرز دەنرخینێ و هەڵوێستی ڕێکخراوەگەلێک وەک؛ کۆمیساریای باڵای مافی مرۆڤی نەتەوە یەکگرتووەکان، ڕێکخراوەی لێخۆشبوونی نێوەنەتوەیی، ڕێکخراوەی مافی مرۆڤ، ئەنجومەنی دادوەرانی تونێس و هتد دادگارانە وەسف دەکات کە داکۆکیان لە مافی مرۆڤ کردووە و بەهایان پێ داوە.    

"وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ" [إبراهيم: ٤۲] 

پێت وا نەبێ خوا لە کردەوی ستەمکاران و زاڵمان خافڵ و بێئاگایە، بێگومان لە ڕۆژێک سەزایان ئەەدات کە لەو ڕۆژەدا چاوەکان زیت و وریا لێی ورد دەبنەوە.

"وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ" [شعراء: ۲۲۷]

ئەو کەسانەی کە زوڵم و ستەمیان کردووە زۆر زوو ئەزانن بۆ کوێ ئەگەڕێنەوە.

 

 دوکتور عەلی قەرەداغی - ئەمینداری گشتی                       دوکتور ئەحمەد ڕیسوونی - سەرۆکی یەکێتی

 

ده‌نگێ نه‌دراوه

.:: نوێ‌ترین ::.

ڕاڤه‌ی شیعره‌ فارسییه‌كانی مه‌حوی ئه‌ده‌ب و هونه‌ر (1398/05/15)
کۆچی دوایی قارەمانێک هه‌واڵه‌کانی ئیسلاح وێب (1398/03/31)
کۆچی دوایی حاجی مامۆستا مەلا عومەر حوسینی ئایچی هه‌واڵه‌کانی ئیسلاح وێب (1398/03/31)
‍لە خودی خۆتەوە دەست پێ بکە... هه‌وارگه‌ی دڵان (1398/03/31)
کاری منداڵان و منداڵانی کار کۆمه‌ڵایه‌تی (1398/03/31)