یەکەمین کۆڕی «زانستی مۆسیقا» لە مەهاباد بەڕێوە چوو

ڕۆژی پێنجشەممە ۱۱ی گەلاوێژی ۹۷ی هەتاوی، یەکەمین کۆڕی زانستی مۆسیقا لە لایەن بەشی فەرهەنگیی پێگەی هەواڵیی هاژە لەسەر تەوەری «پێگەی دەف و گۆڕانکارییەکانی هونەری دەفژەنی کوردستان لە قۆناغی هاوچەرخ» بە وتاروێژی شۆڕش ماملێ و بە ئامادەبوونی کۆمەڵێکی بەرچاو لە هونەرمەندانی کوردستان، لە ساڵۆنی ئیدارەی فەرهەنگ و ئیڕشادی مەهاباد بەڕێوە چوو.
لەسەرەتای کۆڕەکە قادر مورادی بەرپرسی ئیدارەی فەرهەنگ و ئیڕشادی مەهاباد وێڕای ئاماژە بە ئاسانکاری ئەم ئیدارەیە بۆ دانی مۆڵەتی بەڕێوەچوونی کۆڕ و کۆبوونەوەکانی فەرهەنگی، هونەری و ئەدەبی لە مەهاباد لوتی: بە نیازین بە هاوکاری هەمە لایەنە ئەو جۆرەی شایانی ناوی مەهابادە حەولێکی پتر بدەین بۆ چالاکی و خزمەت بە فەرهەنگ و هونەری کورد و بەردەوام پێشەنگ بین لە ڕێگای خزمەت بە هونەر و هونەرمەندانی ناوچەییمان.
وتاروێژی کۆڕ وێڕای ئاماژە بە پێگەی دەف لە ڕوانگەی سازناسی بە درێژایی مێژوو، گۆڕانکارییەکانی هونەری دەفژەنی لە کوردستان شرۆڤە کرد و خەسارەکانی ئەم ڕێگەیەی هێنایە بەرباس.
شۆڕش ماملێ وێڕای باسێکی تێروتەسەل لەسەر کۆمەڵێک گریمانە و فەرزییەی بەردەم، هۆکارەکانی تایبەتمەندبوونی هونەری دەفژەنیی کوردستانی شی کردەوە و لەم ڕوانگەوە حەولی دا پێگەی ئێستای دە‌ژەنیی کوردستان بخاتە ڕوو.
لە درێژەی باسەکەیدا وێڕای پێداگری لەسەر ڕەوتی مێژوویی گۆڕانکارییەکانی ناوچە و هەڵکەوتنی سازی دەف لە نێو جەرگەی ئەم گۆڕانکارییانەدا، لەسەر گۆڕانی قالبەکانی دەفی خانەقایی و دەف لە گرووپەکانی مۆسیقاییدا دوا.
ماملێ لە کۆتاییدا ئاماژەی بە لایەنەکانی ئەم گۆڕانکارییانە کرد و کۆڕەکە لە دوای چەند پرسیاری ئامادەبووان و وڵامدانەوەی وتاروێژ کۆتایی پێهات.

بخش اخبار: 
اصلی

.:: نوێ‌ترین ::.

ساتێک لە خزمەت دکتۆر خۆڕڕەم‌دڵ ئه‌هلی سوننه‌تی ئیران (1399/03/09)
ڕه‌وشتبه‌رزێكی زانا روابط عمومی، ئه‌هلی سوننه‌تی ئیران (1399/03/05)
شه‌وبێداری رمضان، ئه‌ده‌ب و هونه‌ر (1399/03/01)
غرووبت بۆ من سروورە ئەی ماهی نوور رمضان، ئه‌ده‌ب و هونه‌ر (1399/02/31)
دەنگی پێی میحڕابی دڵ رمضان، بیرو ڕا (1399/02/30)