د. عومەر عەبدولعەزیز سەبارەت به ڕەوشی كورد پێشنیارێك ئاراستەی 26 وڵاتی كیشوەری ئاسیا دەكات

لە 13ی ڕێبەندانەوە به ماوەی 2 ڕۆژ لە شاری تاران، كۆنگرەی هەمیشەیی كە (360) حزبی كیشوەری ئاسیا تێیدا بەشدارن، ئەمساڵ (50) پارت لە (26) وڵات بەشداربوون و تێیدا دکتۆر عومەر عەبدولعەزیز سەركردەیەكی یەكگرتووی ئیسلامی كوردستان بەشداری كرد.

(د. عومەر عەبدولعەزیز) سەركردە لە یەكگرتووی ئیسلامی كوردستان سەرنجی ئەندامانی كۆنگرە و نوێنەرانی حزبە ئاسیاییەكانی ڕاكێشا كە ئاوڕێكی موسڵمانانە و مرۆڤانە لە برا كوردەكانیان بدەنەوە، كە لەو بەشانەی كوردستاندا كە تێیدا دەژین دووچاری بێبەشكردن بوون لە مافە بنەڕەتی و ڕەواكانیان، ئەمەش لە سۆنگەی برایەتی ئیسلامی و چەمكە مرۆڤایەتییەكانی پەیوەندیدار بە مافی مرۆڤەوە، چونكە ڕەچاوكردنی مافی نەتەوەكانی ناوچەكە، هەنگاوێكی بنەڕەتی و كاریگەرە بۆ هەنگاونان بەرەو گەشەپێدانی ژیاریی و شارستانی لە وڵاتەكانمان.

ناوبراو لەبەشێكی وتارەكەیدا سەرەنجی ئامادەبووانی بۆ پێشنیارێك ڕاكێشا بۆ پێكهێنانی لێژنەیەك بە ناوی (لێژنەی نەتەوەكان) سەر بە یەكێتی حزبە ئاسیاییەكان بە مەبەستی بەدواداچوونی كاروباری پرسە نەتەوەییەكان و ڕەچاوكردنی مافەكانیان، چونكە نەتەوەكان پێكهێنەری گەلێک له توێژ و چینەکانی كۆمەڵگەكانی وڵاتانی ئاسیایین.

بخش اخبار: 
اصلی

.:: نوێ‌ترین ::.

کۆچەری بیرکار یا بیرکاری کۆچەر کۆمه‌ڵایه‌تی (1397/05/12)