نوێنەری حەماس، سەردانی «سەر پێڵی زەھاو»ی کرد

نوێنەری حەماس، سەردانی «سەر پێڵی زەھاو»ی کرد

دکتۆر خالید القدومی، نوێنەری بزاڤی بەرخۆدانی ئیسلامی فەلەستین (حەماس) لە ئێران، ڕۆژی چوار شەممە 15ی سەرماوەزی ئەمساڵ، سەردانی پارێزگای کرماشان و ناوچە لێقەوماوەکانی ئەو پارێزگایەی کرد.

بە پێی ڕاپۆرتی ھەواڵنێری ئیسلاح وێب، دکتۆر خالید القدمی سەرەتا لە فڕۆکەخانەی کرماشان لە لایەن بەرپرسانی جەماعەتی دەعوەت و ئیسلاح لەو پارێزگایە و ھەروەھا بەرپرسی دەزگای خێرخوازی «نیکوکاران احسان» پێشوازی لێکرا. پاشان ھاوڕێ لەگەڵ دەستەیەک لە ئەندامانی جه‌ماعه‌ت سەردانی شاری سەرپێڵی زەھاو و ئەو گوندانەی کرد کە تووشی بومەلەرزە ھاتوون. ھەروەھا دیدار و چاوپێکەوتنیان لەگەڵ بنەماڵەی خەسار لێکەوتووان کرد وپاشان سەردانی ئەندامانی جەماعەتی ئەو شارەی کرد.

دکتۆر القدومی، لە قسەکانیدا خەڵکی بەرەو سەبر و خۆڕاگری نەسێحه‌ت کرد و داوای کرد کە بە پشتبەستن بە خودای مێھرەبان، بەرەو ژیانی ئاسایی خۆیان بگەڕێنەوە. خالید القدومی بە ئاماژە بەوەی کە ژینی ناو خێوه‌ت نابێ ببێتە لەمپەرێک لە بەرانبەر سازکردنەوەی ژیانی نوێ و چاکتری ئێوە، ڕایگەیاند: «ساڵانێکی زۆرە کە خوشک و برایانی ئێوە ژیانی ناو خێوەت ئەزموون دەکەن، بەڵام ساتێک لە ژیانی کۆمەڵایەتی و ئابووری و فەرھەنگی کۆتایی ناکەن و بە پشتبەستن بە خودا، بەرەنگاری له‌گەڵ دوژمنی زایۆنیستی دەکەن».

ھەروەھا وتی: «بە یارمەتی خودا ئێوە دەبێ شار و گوندەکانتان باشتر و مەحکەمتر لە ڕابردوو ساز بکەنەوە».

لە کۆتاییدا ڕایگەیاند: «خەڵکی فەلەستین خۆیان بە ھاوخەم و ھاودەردی ئێوە دەزانن».

 

دکتۆر خالید القدومی، لە کۆتایی سەفەرەکەی خۆیدا، وێڕای چوونە «سەلاسی باوەجانی»، سەردانی ئەو گەڕەکانی کرد کە تووشی خەساری بوومەلەرزە ھاتوون. 

نوێنەری حەماس، سەردانی «سەر پێڵی زەھاو»ی کرد
نوێنەری حەماس، سەردانی «سەر پێڵی زەھاو»ی کرد
نوێنەری حەماس، سەردانی «سەر پێڵی زەھاو»ی کرد
نوێنەری حەماس، سەردانی «سەر پێڵی زەھاو»ی کرد
نوێنەری حەماس، سەردانی «سەر پێڵی زەھاو»ی کرد
ده‌نگێ نه‌دراوه