دڵپاکیی ئیماندار

نووسەر: 
فايەق نارینی
دڵپاکیی ئیماندار

شێخ محمد الغزالی (ڕه‌حمه‌تی خوای لێبێت) ده‌فه‌رموێت:

به‌ كابرایه‌كی مه‌یخۆرم گوت: بۆ ته‌وبه‌ ناكه‌یت؟

ئه‌ویش به‌ دڵشكاوییه‌كه‌وه‌ ته‌ماشایه‌كی كردم و فرمێسك به‌ چاوه‌كانیدا هاته‌‌ خواره‌وه‌، پاشان گوتی: دوعام بۆ بكه‌..

كه‌ سه‌یرێكی حاڵی كابرام كرد، دڵم بۆی سووتا..

چونكه‌ گریان و دڵگرانییه‌كه‌ی به‌ڵگه‌بوون له‌سه‌ر هه‌ستكردنی به‌و كه‌مته‌رخه‌می و سه‌رپێچییانه‌ی به‌رانبه‌ر به‌ خوا كردوونی، حه‌زكردنیشی به‌ چاككردنی نێوان خۆی و خوای ده‌رده‌خست.

بێگومان ئه‌و‌ ئیمانداره‌، به‌ڵام تووشی به‌ڵا بووه‌!. به‌دوای چاره‌سه‌ریشه‌وه‌ بۆ چاره‌سه‌ركردنی به‌ڵاكه‌ی و داوای هاوكاری له‌ من ده‌كات..

له‌ خۆمم پرسی: بۆی هه‌یه‌ حاڵی من وه‌كوو حاڵی ئه‌م كابرایه‌، یان خراپتریشبێت!.

ڕاسته‌ من هه‌رگیز تامی مه‌یم نه‌كردووه‌، چونكه‌ ئه‌و ژیانگه‌یه‌ی من تێیدا ده‌ژیم نازانێت مه‌ی قه‌بووڵ ناكات‌..به‌ڵام بۆی هه‌یه مه‌یی بێئاگییم چه‌شتبێت، كه‌ وای لێكردووم خوا و ئه‌ركه‌كانیم له‌بیركردبێت..

ئه‌و بۆ كه‌مته‌رخه‌مییه‌كانی خۆی ده‌گری..من و هاوشێوه‌كانیشم بۆ كه‌مته‌رخه‌مییه‌كانم ناگرێین..پێده‌چێت فریودرابین!

ڕووم كرده‌ كابرا و پێمگوت: وه‌ره‌ با پێكه‌وه‌ بپاڕێینه‌وه‌ بۆ خۆمان:

«رَبَّنَا ظَلَمْنَا أَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُونَنَّ مِنَ الْخَاسِرِينَ» [الاعراف: 23].

«خودايه‌ زوڵم و ناهه‌قیمان له‌ خۆمانكرد، ئه‌گه‌ر لێمان خۆشنه‌بیت و به‌زه‌ییت پێماندا نه‌یه‌ته‌وه‌، ئه‌وه‌ بێگومان له‌ خه‌ساره‌تمه‌ندانین»

• پرسیار لێره‌دا ئه‌وه‌یه‌: ده‌بێت چه‌ندین كه‌س هاوشێوه‌ی ئه‌م پیاوه‌ به‌هۆی ئه‌م دۆخه‌ ناله‌باره‌وه‌ تووشی هه‌مان به‌ڵا بووبن، چه‌ند بانگخواز و هاوشێوه‌ی (شێخ محمد الغزالی)مان تێدایه‌ ده‌ستی ئه‌و جۆره‌ كه‌سانه‌ بگرێت و به‌ره‌و ڕاسته‌ رێگه‌ی ئیسلام بیانبات؟!

 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

 

سەرچاوه‌: 

قلوب تهوى العطاء, د.حسان شمسي باشا، ص266، طبعة دار القلم – دمشق. 

ئه‌ڵبه‌ت ته‌فسیره‌ كوردییه‌كه‌ و ئه‌وی دوای ته‌فسیره‌ كوردییه‌كه‌ نا.

ده‌نگێ نه‌دراوه

.:: نوێ‌ترین ::.

ڕاڤه‌ی شیعره‌ فارسییه‌كانی مه‌حوی ئه‌ده‌ب و هونه‌ر (1398/05/15)
کۆچی دوایی قارەمانێک هه‌واڵه‌کانی ئیسلاح وێب (1398/03/31)
کۆچی دوایی حاجی مامۆستا مەلا عومەر حوسینی ئایچی هه‌واڵه‌کانی ئیسلاح وێب (1398/03/31)
‍لە خودی خۆتەوە دەست پێ بکە... هه‌وارگه‌ی دڵان (1398/03/31)