لەمیسر ململانێی نێوان هیزە مەدنیەكان‌و سوپا

لەمیسر ململانێی نێوان هیزە مەدنیەكان‌و سوپا

 

ئیرادەی خوای گەورە وابو كە ئەم ڕوداوانەی دوایی لەپێش ڕەمەزانەوە تا هەنوكەش، دوبەرە دروست بێت، لەسەرەتای دروستبونی دەوڵەتی نوێ لەجیجهانی عەرەبی‌و ئیسلامیدا، پاشان گواستنەوەی فیكری ڕۆژئاوا بۆ كۆمەڵگا ئیسلامیەكان، هەمیشە پڕوپاكەندە وابووە كە ئەو هێزە ڕۆژئاواییانە هەڵگری ئاشتی‌و پێكهێنەری كۆمەڵگای دور لە ئاژاوەن، لەبەرامبەریشدا ئیسلامیەكان بۆ كوشتن‌و بڕین، ئەوەی لە میسر دەگوزەرێت، ئەو هاوكێشەیەی هەڵگێڕایەوە..

  نەك تەنها ئیسلامیەكان بەڕێگای مەدەنیانە هاتنە سەر دەسەڵات، بەڵكو ئەوەتا خوێن‌و ماڵی خۆیان دەڕێژن لەپێناو مەدەنی كردنی كۆمەڵگاو دەسەڵاتدا، عیلمانیچیەكانیش دەستیان گرتووە بە پۆستاڵی سەربازەكانەوە تا هەرەس نەهێنن...

  كۆی ئەو واتاو پێوەرانەی كە ڕەچاودەكرێت لەلایەن ئیسلامیەكان‌و دۆستەكانیانەوە بەكار دەهێنرێت، دژ بەسوپا، بەڵام ئەوانەی كە ئێستا هاوپەیمانی سوپان بریتین لەوانەی كە خۆیان بەنوینەری نوێگەرایی دەزانن بۆ ناو وڵاتی میسر، ئەو ڕوداوانەی مانگی ڕابوردو هەموی بۆ سەلماندنی مەدەنیەتی هێزە ئیسلامیەكان بوو، واتە ئەو دەستەواژەیەی بەكار دێت بۆ ناساندنی مەدەنیەت بەرامبەر بە عەسكەرتاری ئێستا بە شێوەیەكی كردەیی لەگەڵ بەرەی ئیسلامیەكان‌و هاوپەیمانەكانیدایە، عیلمانیچی‌و لیبرالیزمەكانیش خۆیان داوەتە بەر مەرحەمەتی سێبەری تانك‌و زرێپۆشەكان، هەروەك كوردستان لەكاتی تەنگانەدا پەنا دەبەنە بەر هێزی سەربازی بۆ خۆ سەپاندن یان بەر ساختەكاری‌و فریودان، هەموو یەك جۆرن، وەك خوای گەورە دەفەرموێت ( أتواصوا به بل هم قوم گاغون)..

  لەو ساتەوەی كە مورسی بەزەبری هێز مافی یاسایی لێ سەندارایەوە، بوە بە ڕەمزی ئازادیخوازی، وەهەرچەندە بەرتیلی حەرامی كەنداو ڕژا بەسەر علیمانیەكان‌و سوپادا، بەڵام بەتێپەڕبونی كات بەرەی ئەنتی-كودەتا لەگەشەسەندندایە..

   ئەو هێزو لایەنە سیاسیانەی كە لەحكومی مورسی ڕازی نەبون، ئێستا داویانەتە پاڵ ئیخوان، بون بەدۆستیان دژ بە ئینقلاب، نەك لەبەر مورسی بەڵكو بۆ پاراستنی دیموكراسی لە میسردا، واتە پاراستنی ژیانی دیموكراسی لە وڵاتدا دەبێت بەهاوپەیمانی ئیخوان، بە واتایەكیتر ئیخوان بون بەكۆڵەكەی جەماوەریانەی پاراستنی ژیانی مەدەنیەت‌و دیموكراسی..

  ئاستی مەعنەوی ئینقلابچیەكان بە بەردەوام ڕوی لەدابەزینە، لەبەرامبەر بەرزبونەوەی ورەی هەوادارانی مورسی..

  شێواز‌و هێز‌و گوتاری سوپا‌و عیلمانیەكان بەڕونی بەرەو لاوازی‌و كزی‌و بێهێزی دەڕوات، بەڵام ئەوەی سەرنجی گوتاری ئیخوان‌و دۆستەكانی بدات دەبینێت ڕۆژانە متمانەی زیاتر بەخۆیەوە دەبینێت...یەقین لەوەی كە لەسەر حەقن، لە نزیكی سەركەوتنی خوا بۆیان، جەختكردنەوە لەسەر بەخشینی كات‌و ماڵ‌و گیان لەپێناو ئەو پرەنسیپە فیكریانەی باوەڕیان پێیەتی...

  ئەمە هەموی بەڵگەیە لەسەر ئەوەی كە یەكەم:

 ڕۆحیەتی ئیسلام مەدەنیە‌و زیاتر لەگەڵ مەدەنیەت‌و ئازادیخوازیدا دەگونجێت، لەهەر سات‌و كاتێكدا ئازادیەكان هەبن، لەوێدا ئیسلام‌و بانگەوازەكەی زیاتر بڵاودەبێتەوە‌و لەسەركەوتنەوە نزیكە، بۆیە گرنگیدان بە ئازادی تاكۆ كۆ‌و، كاركردن بۆی وەك بەهایەكی گشتی ئیسلام، زۆر گرنگە لەئەدەبیاتی بزاڤی ئیسلامیدا هەبێت...

  دوەم: سەركەوتنی مورسی‌و ئەنجامدانی كودەتا بەڵگەیە لەسەر ئەوەی كە میكانیزمی دیموكراسیەت چوارچێوەیەكی زۆر گونجاوە بۆ خەباتی ئیسلامیانە، میسر‌و تونس‌و توركیا‌و مەغریب هەموی ئەوە دەسەلمێنن كە بەرژەوەندی بانگەوازی ئیسلامی لەوێدایە میكانیزمی هاوچەرخیانەی دیموركراتیانە بكرێن بەهۆكار بۆ گەیشن بەئامانجەكان، وە خۆ دورگرتن لەهەر توندوتیژی‌و توند ڕەویەك، وەهەر كاتێك ئیسلامیەكان دیموكراسیان كردبێت بە هۆكار عیلمانیەكان دەدۆڕێن، بۆیە هەمیشە دەیانەوێت ئیسلامی میانەڕەو نەبێت، چونكە دەدۆرێن‌و بیانوشیان نامێنێت بۆ خزمەتكردنی ڕۆژئاوا‌و وەرگرتنی پۆستی حكومی لەسەر حیسانبی دژایەتیكردنی تیرۆر...

ده‌نگێ نه‌دراوه

.:: نوێ‌ترین ::.