وەڵامی بۆچوون بدەوە

پەیامی هاوخەمیی ئەمینداری گشتیی جەماعەت بە بۆنەی کۆچی دوایی دوکتور ئەسعەد نیزامی

پەیامی هاوخەمیی ئەمینداری گشتیی جەماعەت بە بۆنەی کۆچی دوایی دوکتور ئەسعەد نیزامی

مامۆستا عەبدوڕەحمان پیرانی، ئەمینداری گشتی جەماعەتی دەعوەت و ئیسلاح، بە بۆنەی بۆچی دوایی دوکتور "ئەسعەد نیزایمی" یەکێک لە بلیمەتانی بواری زانستی و فەرهەنگی  شاری تالێش، پەیامێکی هاوخەمی بڵاو کردەوە.

دەقی پەیامەکە بەم چەشنەیە:

بسم الله الرحمن الرحیم

إنا لله و إنا إلیه راجعون

جێگای گەلێک داخ و پەژارەیە کە دوکتور ئەسعەد نیزامی وەک یەکێک لە هەڵکەوتووانی بواری زانستی و فەرهەنگی تالێش کە له ئاستی نەتەوەیی و نێونەتەویی ناسراو و خاوەنی ئاسەواری زانستی و پلە و پێگەیەکی بەرز لە زانکۆ بوو، ئێستا لە ناواماندا نەماوە و ماڵاوایی لێ کردووین. ئێمە منەتبار و قەرزداری ئەو کەسانەین کە تەمەنی بەنرخی خۆیان لە پێناو گەشەی فەرهەنگی و بەرزکردنەوەی پێگەی زانستی وڵاتی ئێران تەرخان کردووە و ناوی خۆیان بۆ هەمیشە پەیوەستی زانست و هزر و ئەندێشە کردووە. ئاواتەخواین لاوانی بیرمەندی تالێش ڕێبوارانی ڕێگەی ڕووناکی زانیاری و شوێنکەوتووی زانستپەروەرانێک لە چەشنی ئاوەها گەورەپیاوێک بن.

لە خوای میری مەزن بۆ ئەو مامۆستا تێکۆشەر و وەتەندۆستە بەرزی پلە و بەهەشتی بەرین داواکارم و بۆ کەسوکار و دۆست و نزیکانی سەبر و خوڕاگری و پاداشی بێبڕانەوە دەخوازم. 

عەبدەڕەحمان پیرانی

ئەمینداری گشتی جەماعەتی دەعوەت و ئیسلاح

 دوکتور ئەسعەد نیزامی(١٣٩٧-١٣١٢)

وه‌ڵام بدەوە

ناوه‌رۆکی ئه‌م به‌شه‌ شه‌خسیه‌و به‌شێوه‌ی گشتی پێشان نادرێت.
2 + 4 =
Solve this simple math problem and enter the result. E.g. for 1+3, enter 4.