عنوان تاریخ
ساتێک لە خزمەت دکتۆر خۆڕڕەم‌دڵ
(عه‌بدوڵڵا عه‌لیپوور)
1399/03/09
ڕه‌وشتبه‌رزێكی زانا
(د. ڕئووف ڕه‌هنه‌موون)
1399/03/05
شه‌وبێداری
(ئیسماعیل ڕه‌زایی (غه‌ریب))
1399/03/01
غرووبت بۆ من سروورە ئەی ماهی نوور
(مودریك عه‌لی عارف)
1399/02/31
دەنگی پێی میحڕابی دڵ
(عه‌بدوڵڵا عه‌لیپوور)
1399/02/30
زانایانی ئایینی و زمان و ئه‌ده‌بیاتی كوردی
(ڕه‌سووڵ گه‌للـه‌بان) (ترجمه: به‌شی کوردی ئیسلاح وێب)
1399/02/29
ئاداب‌ و شێوازى دروستى ڕه‌خنه‌گرتن‌ و ئامۆژگاریى
(د. عومه‌ر عه‌بدولعه‌زیز)
1399/02/29
واتای ژیان
(دكتۆر ئیدۆ لاندائۆ (iddo landau)) (ترجمه: شه‌هلا ئه‌حمه‌دی)
1399/02/26
ته‌وبه‌
(ئیسماعیل ڕه‌زایی (غه‌ریب))
1399/02/26
له‌ ژیاندا بانتر له‌ به‌خته‌وه‌ری بوونی نییه
(ئه‌میلی ئیسفه‌هانی) (ترجمه: عه‌بدوڵڵا عه‌لیپوور)
1399/02/22
ده‌رده‌دڵێك له‌گه‌ڵ جگه‌رگۆشه‌كه‌م
(ترجمه: عه‌بدوڵڵا عه‌لیپوور)
1399/02/19
مێروولە مامۆستای دڵپاکی!
(عه‌بدوددایم ئه‌لكۆحه‌یل) (ترجمه: عه‌بدوڵڵا عه‌لیپوور)
1399/02/18
وه‌رگێڕانی مامۆستا هه‌ژار بۆ قوڕئانی پیرۆز
(ماجید مه‌ردۆخ ڕۆحانی)
1399/02/09
فتوای تاقمێک له لێژنەکان و ڕاوێژکارانی زانستی و زانایانی گەورە، سەبارەت به ڕه‌وابوونی ڕۆژوونەگرتن به هۆی بڵاوبوونەوەی نەخۆشی ئیپیدێمی کۆڕۆنا
(ترجمه: شه‌هلا ئه‌حمه‌دی)
1399/02/05
وەفاتی مامۆستا هەرتەلی؛ کوژانەوەی ئەستێرەیەکی فیقه‍ و زانستی‌ شەرعی لە کوردستان
(سەید موحەممەدئەمین واژی)
1399/02/04
كۆڕۆنا چەمك و بۆچوونەكانی گۆڕی و ئەوەی كە لە مەحاڵ دەچوو، كردییە واقیع
(دکتۆر عه‌لی مه‌حییه‌ددین قەرەداغی)
1399/01/31
چالاكییه‌كانی جه‌ماعه‌تی ده‌عوه‌ت و ئیسلاح له‌ ڕۆژانی كۆڕۆناییدا
(تاران – پێگه‌ی هه‌واڵنێری ئیسلاح)
1399/01/30
سەرەخۆشی دوای کڕۆنا(چاکسازی لە سەرەخۆشی و هیندەک نەریتی کۆمەڵاتی)
(سەیید موحەممەد ئەمین واژی- مامۆستای ئایینی لە مەهاباد)
1399/01/21
ئەرکی مامۆستایانی ئایینی، کۆمەڵگاو دەسەڵات لە هەلومەرجی وەک ئەمڕۆکەدا
(مامۆستا سەید مەحەممەدئەمین واژی- مەهاباد)
1398/12/22
جیهان و نەهامەتیەکانی لەو سەدەیەی بیستویەک دا
(یوسف عەزیزپوور (پیرانشار))
1398/08/08
ڕاڤه‌ی شیعره‌ فارسییه‌كانی مه‌حوی
(مامۆستا مه‌لا موحه‌ممه‌د یوسف)
1398/05/15
مەرگى دوکتور موحەممەد مورسی و ئایین لەسەردەمى نوێدا
(تەحسین حەمەغەریب)
1398/03/31
ڕۆڵـی تێکدەرانەی تەلەڤیزیۆن، ئینتێرنێت و تۆڕەکۆمەڵایەتییەکان لەسـەر منـداڵ!!
(عەبدوڵڵا عەلیپوو)
1398/03/31
‍لە خودی خۆتەوە دەست پێ بکە...
(بەدیعوزەمان سەعیدی نوورسی)
1398/03/31
کاری منداڵان و منداڵانی کار
1398/03/31
فەتوایەکی دوکتور عەلی قەرەداغی سەبارەت بە دراوی ئەلێکترۆنیکی
(دوکتور عەلی قەرەداغی)#فەتوا
1398/03/31
کێبەرکێی شارستانییەتەکان
(نووسينى: محه‌ممه‌د جه‌ببار)
1398/03/31
گەورەیی و فەزیڵەتی قورئان
(یۆنس سولەیمانزادە)
1398/03/31
کورتەباسێک سەبارەت بە دەستووری خوایی و دەستوورە دانراوەکان؛ لە وتوویژێک لەگەڵ د. مستەفا زەڵمی
1398/03/16
خاتوونی زانای ئیسلام
(نووسه‌ر: جه‌لیل به‌هرامینیا/)وەرگێڕ: کولسووم حەسەنزادە
1398/03/16
نشان مـرد حـق چە گویـم چو مرگ آید تبسم بر لب اوست «ئیقباڵ لاهووری»   زۆر ئەستەم و شه‌که‌تکه‌رە نووسین لە حاند ڕووداوێکی ڕه‌نجێن و وزەبەزێن، کە ئێستاش قەبووڵکردنی زۆر قورس و دڵتەزێن و ناخهەژێنە، ڕووداوێک کە لە ناخی دڵەوە مرۆڤ دەخاتە باروودۆخێکی مەینەتبار و خەم‌هێنەر. لە ڕاستیدا هەرچی خوا بیهەوێ هەر ئەو دێتە پێش: «وَكَانَ أَمْرُ ٱللَّهِ قَدَرًا مَّقْدُورًا» و فه‌رمانی خوای گەورە بڕیارێکی بڕیار دراوه‌.
سەرەتا هەوڵی زانکۆی کوردستان بۆ ڕێزگرتن لە که‌سایه‌تییە ناودارەکانی ناوچەکەمان، بەتایبەت ئەوانەیان کە هێشتا لە ژیاندان، بەرز دەنرخێنم و سوپاسی بێ‌کۆتایی هەموو ئەو دڵسۆزانە دەکەم کە لەم بوارەدا هەنگاو هەڵدەگرن. ڕێزگرتن لە دوکتۆر خۆڕڕەم‌دڵ تەنیا ڕێزگرتن لە ئوستادێکی زانا و دڵسۆز نییە کە سەردەمێک لە زانکۆی کوردستانیشدا وانەی وتووەتەوە. تەنیا ڕێزگرتن لە ڕاڤەکارێک نییە کە قوڕئانی پیرۆزی بە سێ زمانی کوردی و فارسی و عەڕەبی ڕاڤە کردووە. تەنیا ڕێزگرتن لە لێکۆڵەرێک نییە کە گەنجینەی سەرف و نەحوی زمانی عەڕەبی و نەحوی زمانی فارسی و ئیعجازی زانستی قوڕئانی پیرۆزی نووسیوە.
شەو بێداری   جەرای بەندەگی، هۆشیاری وەشەن جە نیمە شــەوان، بێداری وەشـەن بێداری وەشەن، هەمڕای فکر بۆ زوبانت پاراو، وەنــەی زیکـر بۆ جە خەڵوەتە کات، شەیتان را نەدەی ســەرمایە و ژیویت، بە فەنا نەدەی بلـــی وەر بەرە، خـودای بێداری هەڵە و تاوانێ، وێت هۆر ژماری! واچی خودا گیان، ڕەحم فراوان ئامانا بەرەت، بە کوڵـــی تاوان
ئــیلاهی! ئـەی خاوەنی غرووب و تڵووع و سەحەر! وا جارێکی دیکە و لە ڕۆژێکی نوورینی دیکەی مانگی نوور و خۆشنوودی و لێبووردنتدا هاتینەوە بەر ئاستانەی مەغفیرەت و مەڕحەمەت و مەحەببەتت. پەروەردگارا! وا ئێمەی بەندەی موشتاقی دیدارت بە لێوی شەقاربردووی وشک و زمانی تەڕی پڕ بە نزا و زیکر و گەدەی هەڵگوشراوی خاڵی و پڕ لە باوەڕ و عیشق و مەحەببەتەوە خۆمان لە بەردەم میوانی ئازیزی ”ڕەمەزان“ی ڕەمزی ئیماندار، دەکەینە قوربانت. ئــەی مـەعـبوودە مەحبووبەکەی دڵە موشتاق و تامــەزرۆ! وا ئـەمجارەش بە جەستەی خەستەی خاکینی شەکەت و ماندوومانەوە، بە ترووسکەیەک لە ئیمان و عەهد و پەیمانەوە، بە دونیایەک ئومێد و تامەزرۆیی و شەوقی ویساڵەوە، سەحەرخێزان و بە زمان و دڵ و گوێ و گیان و چاوی بەڕۆژووە ڕۆژێکی دیکەی پڕ نوور دەگەیەنینە غرووبێکی نوورینتر و ساتەوەختی بێدەنگی پڕ لە نەغمە و دەنگی نزا و تکا.
«شَهْرُ رَمَضَانَ ٱلَّذِىٓ أُنزِلَ فِيهِ ٱلْقُرْءَانُ هُدًى لِّلنَّاسِ وَبَيِّنَٰتٍ مِّنَ ٱلْهُدَىٰ وَٱلْفُرْقَانِ ۚ فَمَن شَهِدَ مِنكُمُ ٱلشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ يُرِيدُ ٱللَّهُ بِكُمُ ٱلْيُسْرَ وَلَا يُرِيدُ بِكُمُ ٱلْعُسْرَ وَلِتُكْمِلُوا۟ ٱلْعِدَّةَ وَلِتُكَبِّرُوا۟ ٱللَّهَ عَلَىٰ مَا هَدَىٰكُمْ وَلَعَلَّكُمْ تَشْكُرُونَ» واتە: مانگی ڕه‌مه‌زان مانگێکه‌ قوڕئانی تێدا نێردراوه‌ته‌ خواره‌وه‌ بۆ ڕێنمایی خه‌ڵک و هێندێک به‌ڵگه‌ی ڕۆشن بۆ ڕێنموونی و جیاکردنه‌وه‌ی ( دروست و نادروست)، ئینجا هه‌ر که‌سێک له‌ ئێوه‌ مانگی ڕه‌مه‌زان ببینێ با به‌ ڕۆژوو بێت و هه‌ر که‌سێک نه‌خۆش بوو یان له‌سه‌فه‌ردا بوو، با به‌ ئه‌ندازه‌ی ئه‌و ڕۆژانه‌ قه‌زای بکاته‌وه‌ له‌ چه‌ند ڕۆژێکی تردا، خوا ئاسانی ئه‌وێ بۆ ئێوه‌ و گرانی ناوێت بۆتان (قه‌زای ڕه‌مه‌زانتان له‌سه‌ر دانرا) تا مانگه‌که‌ (بگرن) به‌ ته‌واوی و به‌گه‌وره‌ ناوی خوا به‌رن له‌سه‌ر ئه‌و ڕێنموونییه‌ی که‌ کردوونی و تا سوپاسی (خوا) بکه‌ن. سووڕەتی بەقەڕە ئایەتی ١٨٥.
وتووێژی مامۆستای ئه‌هلی سوننه‌ت له‌گه‌ڵ ئوروومیه‌ ٢٤ زانایانی ئایینی له‌ كوردستان زۆرترین خزمه‌تیان به‌ زمانی كوردی كردووه. ئایین و ئایینزا ده‌توانن كاریگه‌ری گرینگیان له‌سه‌ر ئاڵوگۆڕی زمانه‌كان، پێكهێنانی وشه‌ و واتای تازه‌، دابینكردنی دۆخی كۆمه‌ڵایه‌تی زمانێك و داڕشتنی بەرنامه‌ بۆ زمانیان هه‌بێ. چونكه له‌ لایێك زمان و ئایین، هه‌ردووكیان له‌ ناساندنی شوناسی كه‌سه‌كان ڕۆڵیان هه‌یه‌ و له‌ لایێكی تر زمانه‌كان به‌پێی بوون یا نه‌بوونی پێوه‌ندی ته‌ك ئایینزایێكی تایبه‌ت، له‌وانه‌یه‌ پێگه‌ی سه‌ره‌كه‌ی یا لاوه‌كی له‌ كۆمه‌ڵگا هه‌بێ. ئایینزاش له‌ پێكهێنان و په‌ره‌دان به‌ سیسته‌می هێڵدار و دۆزیه‌كانی پێوه‌ندیداری تر به ستانداردكردنی زمان، هه‌ڵبژاردنی زمانێكی تایبه‌ت بۆ ڕێساكانی ئایینی و هه‌روه‌ها فێركاری زمانێكی تایبه‌ت له‌ قوتابخانه‌كان كاریگه‌ری هه‌یه‌.
یه‌كێك له‌ كاره‌ نادروسته‌كان، دیارده‌ى ڕه‌خنه‌گرتنى که‌سایه‌تی و ناوبردنى تاكه‌كه‌سه‌، له‌ په‌یج و واڵه‌ گشتییه‌كاندا، به‌م بۆنه‌یه‌وه‌ ئه‌م چه‌ند خاڵه‌ ئه‌خه‌مه‌ به‌رده‌ستى هاوڕێیانی بەڕێز: یه‌كه‌م) ڕه‌خنه‌گرتن، ئامۆژگاریى، سه‌رنجدان و گله‌ییكردن، نه‌ك ته‌نها به‌ ماف ده‌زانین، به‌ڵكوو به‌ ئه‌ركێكى ئیسلامی ده‌زانین. به‌ڵام ڕه‌خنه‌ ده‌بێت بنیاتنه‌ر و ئامانجدار بێ، ئامۆژگارى ده‌بێ به‌ ئادابى خۆى بێ، سه‌رنجدان‌ و تێبینى وتن ده‌بێ له‌ كات‌ و شوێن‌ و شێوازى خۆى ده‌رنه‌چێت.
ژیانی واتادار چییە؟ زۆر كه‌س ژیان به‌ڕادەی پێویست واتادار نابینێت، هۆکاری زۆربەیان سەرسووڕهێنەرە. زۆرێک له مرۆڤەکان به ‌منیان وتووە کەوا ژیانی خۆیان یان بەگشتی، بێواتای ده‌بینن و یا به‌ڕاده‌ی پێویست واتاداری هه‌ست پێ ناكه‌ن. به‌ڵام زۆرێک له ڕونکردنەوەکانیان له‌سەر بێواتایی ژیان، لاواز و زۆر جاریش بەهەڵە داڕێژراوە. من وای بۆ دەچم کە زۆرێک لەو ژیانانەی كه ده‌ڵێن بێواتان، له‌ڕاستیدا واتادارن و زۆرێکی دیکەش که بێواتان، دەکرێت لە بوارێكه‌وه‌ واتادار بکرێن.
ته‌وبه خوایا تەوبه، شەرمەساره خوەم به‌داوی شەیتان، گرفتاره خوەم بێ کەردەی مەقبووڵ، وەک دار بێ سەمەر تەوبه‌شکێنی هەزار، باره خوەم موددەعی سوننەت، فەڕز ئەو دوا خەر! بۆ ئەدای واجب، زۆر قەرزاره خوەم! غەیبەتکەر خەڵکی، به بێ ئە ندێشه له جورم و گونا، ڕەش تۆماره خوەم خۆ به پاک زان و، بەدبین له خەڵکی! دوچاری فیکرەی، ناهەنجاره خوەم! ئیددیعا زلەی، قەدر کەس نەزان! توندوتیژ بێکەڵک، وەک بیباره خوەم!
له‌ ژیاندا شتێك بانتر له‌ به‌خته‌وه‌ری بوونی نییه لەڕاستیدا ئەمڕۆ شاڵاوی کولتوور و دابونەریتی کۆمەڵگەی ئێمە بەگشتی هۆگر و گیرۆدەی کامەرانی بووە، ئەگەر چی ئێمە بۆ دەستەبەرکردنی بەختەوەری لە کۆمەڵێک گریمانە و پاڵنەری توکمەی بەرچاوی وەک: پیشەی باش، دۆستانی دڵخواز، باڵەخانەی ڕەنگین و لەبەردڵان و کڕینی ئوتوومبێل، ماڵ و... کەڵگ وەردەگرین بۆ ژیانێکی پۆزەتیڤ، بەڵام زۆربەی ئێمە هەست بە ئاسوودەیی و ئۆقرەیی ناکەین! بەڵکوو بە پێچەوانەی ڕەزامەندی، ژیانێکی ئاڵۆز و بێ ئاکام کە پڕیەتی لە نەخۆشی خەمۆکی و خەماژۆیی تاقی دەکەینەوە.
دەردەدڵێک لەگەڵ جگەرگۆشەکەم مناڵە شیرینەکەم؛ ئەو کاتەی هاتییە سەر دونیا، زۆر خۆشحاڵ بووم و بوویە تیشکدەری دڵ و گیانم. زۆرم خۆش دەوێی، ئەگەر چی هێندێک جار تووندوتیژ و بەزاکوون دەبم لەگەڵ تۆ، بەڵام ئەوەی بزانە هەموو ئەو لاساری و تووندوتیژییەم بۆ بەختەوەری تۆیە. هەرچەندە ئەوە باش دەزانم هەندێک جار منیش ڕێگای ڕاست ناپێوم و ڕەنگە وشەی ڕەق و دژوار و تووند بەکار بێنم.
مێروولە مامۆستای دڵپاکی! بە پێی توێژینەوەیەکی ئیعجازی زانستی دەرکەوتووە کە مێروولەکان، لە ناوچەی ژیانی کۆمەڵایەتی خۆیان بۆ دژگەنکردنی نەخۆشینەکانی مەترسیدار لە کۆ ئەندامەکانی جەستەی خۆیان، هاوڕێ لەگەڵ ژیانی خێزان و ئەو ناوچەی ژیانی تێدا بەسەر دەبەن، ئەرکی خۆیان لە مرۆڤی ئاسایی باشتر و وڕیاتر بەجێ دێنن، هاوکات لەگەڵ ئەوەشدا دەزانن چۆن و بە چ شێوازێک بەرگری لە بڵاوبوونەوەی نەخۆشینەکانی پێوەندیدار بە کارگەگوڵە و هەر ڤایرۆسی مەترسیدار بگرن.
وەناو خودا کە دەهندە و دڵۆڤانە «فإِنَّ مَعَ الْعُسْرِ يُسْرًا» واته‌:لەپاش تەنگانە فەرحانین مامۆستا هەژار: لەباره‌ی ئەدەبییەوە، هیچ دەقێکی عەڕەبی، ناگاته قوڕئان!       ناسنامەی کتێب: «قوڕئانی پیرۆز» وه‌رگێڕانی مامۆستا هەژار پەخشانگای ئێحسان چاپ: ۱۳۷۹ هەتاوی       خەرمانانی ساڵی ۱۳۶۸ی کۆچی ـ هتاوی (۱۹۸۹ی ـ ز) بوو كه مامۆستا هەژار ـ هه‌زار دروود و ڕەحمەتی خودا، لەسەر گيانی پاک و ڕۆحی بەرزی ـ بڕياری دا، پاش مێژووەكەی ئەردەڵان، وەرگێڕانی قوڕئانی_پيرۆز به كوردی دەست پێ بكا. پێشتر زۆر جاران دۆستان و بەردەستانی مامۆستا، بۆ ئەو كاره گەوره و گرانه، لێی پاڕابوونەوە و ڕوویان لێ خستبوو؛ بەڵام هەموو جارێ وەڵامی ئەو بلیمەتە هەر ئەوەنده بوو: «كاكه! ئەوە گاڵته نییه». بەڵێ ڕاسته تا ئەوڕۆ، زمان و وێژەی كورد ـ له پەخشان و وەرگێڕاندا ـ هاوتای هەژار و بگرە چەند قات لەو خوارتریشی به خۆوه نەدیوه؛ بەڵام «تاها حوسەین» گوتەنی: «قوڕئان، قوڕئانە و بەس».    
بیرو ڕای زانایانی موسوڵمان و پێشەوایانی ئایینی و ئۆممەتی ئیسلامی سەبارەت به ڕۆژووی مانگی ڕەمەزان، له کاتی بڵاوبوونەوەی نەخۆشی ئپیدێمی ڤایرۆسی کۆڕۆنا(کۆیید19) چییه؟حوکمی شەرعی ترس له لاوازبوونی سیستەمی بەرگری لەش به هۆی ئەگەری تووشبوونی ئەم نەخۆشییه چییه؟و حوکمی ڕۆژوونەگرتنی کەسێک کەوا تووشی ئەو پەتایه بووە چییه؟تکایه حوکمی شەرعی ئەم پرسیارانەمان بۆ ڕوون کەنەوە، خوای گەورە پاداشتی خێرتان بداتەوە. بێگومان ڕۆژووی مانگی ڕەمەزان به پێی فەرموودەی قوڕئان و سوننەت و ئیجماعی موسوڵمانان، له‌سه‌ر هەموو موسوڵمانێک واجبه.
خوالێخۆشبوو فەقیه‍ و زانای ناودار، عەللامه مامۆستا عەبدوڵڵا عەبدولعەزیز هەرتەلی، لە ساڵی ۱۳۳۴ی کۆچی هەتاوی لە ئاوایی «هەرتەل»ی سەر بە شاری ڕانیە و سەر بە پارێزگای «سولەیمانییە» لە دایک بووە. خۆی لە بنەماڵەی «خۆشناو» بووە. لە هەولێر لە لای ئەم مامۆستایانە کە هەریەک عالمێکی پایەبەرز بوون، وانەکانی حوجرەی خوێندووە: مامۆستا مەلا خدر شێخ، مامۆستا سەید عومەر پیرداودی، مامۆستا بەهائه‌ددین خه‌تی.مامۆستا ساڵی ۱۳۵۶ی کۆچی هەتاوی، لەژێر چاوەدێری عه‌للامە مامۆستا مەلا عه‌بدولکەریم مودرریس ئیجازەی مەلایەتی وەرگرتووە. مامۆستا لە ساڵی ۱۹۷۷ زایینی دەستی کرد بە نووسین. زیاد لە بیست کتێبی نووسیوە کە بەرچاوترینیان ڕاڤە و وەرگێڕانی کتێبی «منهاج الطالبین» بە نێوی کوردی «ڕووناکی ڕه‌ببه‌لعاله‌مین»ه‌.
تۆ بڕوا بكەیت یان نا...كۆڕۆنا چەمك و بۆچوونەكانی گۆڕی و ئەوەی كە لە مەحاڵ دەچوو، كردییە واقیع.لەگەڵم وەرە با پێكەوە بڕوانینە ئەوەی كە بەڕێوەیە و دێتە پێش، ئیتر بڕوا بكەیت یا نا، ئەوە ڕاستییەكەیە.گومانی تێدا نییە كە قودرەت و توانایەكی حەكیمانە نەخشەی مەشخەڵ و دیاردەكانی ژیان دەكێشێ‌، لەوانەیە زۆر كەس هەبن لە دیمەن و هاوكێشە ئاڵۆزەكانی تێ نەگەن، بەدڵنیایی كە لەناو جەرگەی تاقیكردنەوە و كارەساتەكان و چەرمەسەرییەكانەوە بەخشش و خۆشنودیی و بەزەیی لەدایك دەبێت، لە مردن ژیان بەرپا دەبێت، لە مەسەلە دژ بەیەكەكانیشدا بەهەمانشێوە ئەو حیكمەتە دەردەكەوێ‌ كە جگە لە ژیرمەندەكان كەسی تر لێی تێ ناگات.
به‌رپرسی پێوه‌ندییه‌ گشتییه‌كانی جه‌ماعه‌ت: ته‌واوی تواناییه‌كانمان بۆ خزمه‌ت به‌ خه‌ڵك ته‌رخان كردووه‌.به‌رپرسی پێوه‌ندییه‌ گشتییه‌كانی جه‌ماعه‌تی ده‌عوه‌ت و ئیسلاح له‌ وتووێژێكی كورت له‌گه‌ڵ ماڵپه‌ڕی (آوای سنت)، گرینگترین چالاكییه‌كانی ئه‌و ڕێكخراوه‌ مه‌ده‌نییه‌ی له‌و چه‌ند حه‌وتوویه‌ی دواییدا، خسته‌ ڕوو.
پێشەکی:  بە بڕوای من کۆمەڵگا لانیکەم بۆ ماوەیکی درێژخایەن بە کۆمەڵگای بەر لە کڕۆنا و کۆمەڵگای دوای کڕۆنا دابەش دەکڕێ و وەک شەڕی یەکەم و دووهەمی جیهانی ئەو ڕەنگەی بەخۆوە گرت. چونکە دوای شەڕی دوهەمی جیهانی، ئەم پەتای(ئاهۆ) کڕۆنا راستی زۆرترین شوێنی لەسەر وڵاتان دانا. ئەو شوێن‌دانەریيە هەموو بوارەکانی: ئابووری، ڕامیاری و کۆمەڵایەتی دەگرێتەوە و بە بڕوای من جارێکی‌تر بابەتەکان، جۆرێتر پیناسە دەکرێنەوە. یەکێک لەوانە کۆری پرسە و سەرەخۆشی، زەماوەند و... دێرەدا زۆرتر مەبەستم کۆرە کۆمەڵایەتی‌یەکانی کوردەواری‌یە. 
مامۆستایانی ئایینی لە کۆمەڵگای کوردەواری‌دا بەردەوام لە بووارەکانی ئایینی، کۆمەڵایەتی و زیندوڕاگرتنی باری نەتەوایەتی و بەشەکانی‌تر دەوری بەرچاویان هەبووە. هەمیشە پێش‌ڕەو و رێ‌شاندەر بوون و هەمو کوردێکی بە ئینسافیش دان بەوە دادێنێ. جا بۆێە سەرەتا ڕووی عەرزەکانم دە مامۆستایانی بەڕێزە. چاوەڕوان دەکرێ هەر وەک جاران بتوانن ڕێ‌شاندەرو غەم‌خۆری کۆمەڵگا بن. بۆیە بە پێویستم زانی زۆر بە کورتی ئاماژە بەم چەند خاڵە بکەم:
کە جیهان ئاوسوو دووگیانە بۆ وەدی هێنانی ئاڵووگۆرێکی تازە و بەربڵاو لە مەر ژیان و ژینی کۆمەڵگا و هەر وزە وزە و بزە بزەی چاوانیەتی بۆخوولقاندنی شێوازوو رێرەوەکی تر بۆ چۆن ژیان ژین، وە هەر لەو کاتەشە کە ئەمەریکا تەک تازی مەیدانە و سواڕچاکی پیشە­­وسەنعەتوو تکنۆلۆژی یە وە ڕایەڵەکانی مەهوارەیو ئیرتەباتاتە جیهانی یەکانە، وە خاوەنی هێزی کۆنتڕۆل کردنی ئینتێرنێتی بەڕبڵاوی جیهانی سەردەمەمە ، وە بەرەو داهاتوویکی نادیار وە چاوەڕوان نەکراو پێش دەچێ
1. ای خنده‌، ز زیر لب جانانه‌ برون آ ای نشئه‌فزا باده‌، ز پیمانه‌ برون آ 2. زان دیده‌ تو ای غمزه‌ی مستانه‌ برون آ ای مغبچه‌، با ناز ز میخانه‌ برون آ
ئەمە دووەم جارە پێشبینى لەناوچوونى ئایین دەکرێ: ئەویش لە لایەن فەیلەسووف و زاناکانەوە. جارێک لە سەرەتای رۆشنگەرییەوە تا کۆتایی سەدەی نۆزدە، کاتێک کەسێکى وەک شکسپێریش بابەتە ئایینییەکانى خۆی بە چەمکى نائایینى دەردەبری نەبادا گوێ لە شیعرەکانى نەگیرێت و شانۆنامەکانى نمایش نەکرێن. ئەو دەمەش لە کۆتایی سەدەى نوزدەدا کە ویسترا بە بەکارهێنانى زۆر کلیساکان بڕووخێنرێن و بۆ هەمیشە ئایین لە ژیانى مرۆڤایەتى بکرێتە دەرەوە، بەڵام زاناکان بە تایبەت فەیلەسووفەکان و کۆمەڵناسەکان وتیان  پێویست ناکات بە کاری لەو شێوەیە هەڵبسن چونکە ئایین خۆی بەرەو تێدا چوون دەروات، کەواتە لێی گەرێن!.
لە جیهانی ئەوڕۆدا لەناو تاک و خێـزان بە هۆی توشبوون بە نەخۆشییەکانی ڕوحی و فکری و خەیاڵی و زۆربوونی خەفەت و کێشە و گرفتی کۆمەڵایەتی و ماددی، بیری پەروەردە و بارهێنانی منداڵ وەک شتێکی گرینگ و ئەساسی لە بەرچاو نەماوە و بگرە بوونیشی ناکرێ! کەچی ئێمە یا زۆر بێ ئاگایین یان خۆمان بێئاگا دەکەین لەو ڕاستییە کە منداڵەکانمان موڵکی ئێمە نین، بەڵکوو ئەمانەتێکن لە گەردنی ئێمەدا...
یاد و پەندێك: ١- نەفسەکەم ! لەو چێژانەی کە بەدوایاندا دەگەڕێیت ، تۆ بەشی خۆتت بە زیادەوە وەرگرتووە لە چاو ئەوەی کە لەسەدا نەوەدی خەڵکی وەریان گرت. کەواتە ھیچ بەشێکی تۆیان تێدا نەماوە .
مەبەست لە کاری منداڵان، بەشداریکردنی منداڵانە لەو چالاکییەکە ئابوورییانە کە ڕێگە دەگرێ لە خوێندن، پەروەردە و بارهێنان و هەروەتر گەشەی تاکی و کۆمەڵایەتییان. ڕێکخراوی نێودەوڵەتیی کار، لە ساڵی ٢٠٠٢ەوە لەسەر پرسی جیهانی کارکردنی منداڵان و بۆ سڕینەوەی ئەو دیاردەیە، هەنگاوی ناوەتەوە.
ژمارەی دراوە ئەلێكترۆنییەكان تاکوو ئێستە گەییشتوونەتە نزیكی ٩٠٠٠ دراو. دووان لەوانەیش -بیت كۆین- و -وەن كۆین-ن، لە ڕاستیدا ئەو دراوەی كە تا ئێستە زۆر بەناووبانگە -بیت كۆین-ە. وەن كۆین ناوبانگێكی ئەوتۆی نییە، تەنها لە كوردستان ئەو ڕەواجە زۆرەی پێ‌ دراوە و هیچ وڵاتێك دانی بە وەن كۆیندا نەناوە، ئەوەی كە هەیە شتی پچڕ-پچڕ و متمانە پێ‌ نەكراون، بەڵام دەبێت ڕاستییەك بزانین، ئەمە بەشێكە لە دەرهاویشتەكانی سیستەمی ئابووریی سەرمایەداری، ئەو لەسەر بنەمای قازانج مامەڵە دەكات، لەبەرئەوە گوێ‌ نادا بەوەی دراوەكە ددانی پێدا نراوە یان نا، ئەوان بەشوێن باجدا دەگەڕێن، مەبەستیان نییە ماهییەتی ئەو شتە چییە.
  شارستانییه‌تەکان هەر لە دێرزەمانەوە هەندێکیان لەوانی دی پێشکەوتووتر بوون و پێشەنگی شارستانییەته‌ دواکەوتووەکان بوون، هەڵبەت ئه‌و كۆمه‌ڵگه‌ دواكه‌وتووانه‌یش لە چاوی خۆیانەوە بەو شێوەیه‌ دەر دەکەوتن، هەمیشە لە هەوڵی ئەوەدا بوون وا خۆیان پیشان بدەن ئەمانیش لەگەڵ سەردەمن، ئەویش بە لاساییکردنەوەی میللەتان و شارستانییه‌تە پێشکەوتووەکان. مەرجیش نەبوو هەموو کات لاساییەکان بە بارێکی خراپدا ڕۆییشتبێتن. لەو کاتەوەی کە سوقراتی فەیلەسووف گەشتی بۆ ناوچەی میسری ئێستا دەکرد و بە حیکمەتی وان دڵگیر بوو، پاشان ڕۆژگار لە سووڕانەوەی خۆی بەردەوام بوو تا وای لێهات موسوڵمانەکان بە فەلسەفە و شارستانییه‌تیی گریک کاریگەر ببن نەک ئەوەندەیش بەڵکو کتێبی لۆژیک و فەلسەفە نەمابوو کە لە کتێبخانەی عەباسییەکاندا نەبێت.
پرسیار: سەرەتای پرسیارەکانمان بەوە دەست پێ دەکەین دەستوور چيیە؟ یان بە واتایەکی تر دەپرسین قورئان چيیە و دەستوور چیيە؟
دایكی بڕواداران خاتوو عایشه‌ی سدیقه‌، كچی ئه‌بووبه‌كری ڕاستگۆ و هاوسه‌ری پێغه‌مبه‌ری خوا(سه‌لامی خوای لێ بێت)، دینناسترین ئافره‌تی مێژووی ئیسلام و یه‌كێك له‌ زانایانی بواری حوكمه شه‌رعییه‌كانه‌. له‌ مناڵیدا به‌ هۆی به‌ختی به‌رزی له‌ژێر سێبه‌ری یاری ڕاستگۆ و باوه‌شی دڵسۆزیی دایكی دڵپاكی «ام رمان كنانیه» چاوی به ‌دونیا هه‌ڵێنا و له‌ گوڵستانی ڕوحگەشێنی كانگای میهر و ئه‌ده‌ب‌ و له‌ سفره‌ و خوانی په‌روه‌رده‌ی ئیمانی، ڕوح و گیانی له‌ خۆراكی پارێزكاری و ڕه‌وشتبه‌رزی تێر ده‌كات و له‌ دڵۆڤانیی و دڵسۆزیی باوكی، خووی خۆی وەڕازانده‌وه‌ كه مه‌لی به‌خته‌وه‌ری له‌سه‌ر شانی و ناخ و ڕووی شیرینی، له‌ ناو دڵ و گیانی كارزانی كاروانی جوانپەسەندان هه‌ڵنیشێت و له‌ به‌ختی به‌رزی، به‌ربژێری هه‌ڵبژێردراوێك بوو كه وانه‌ی «فَاظفَر بِذَاتِ الدِّینِ تَرِبَت یَدَاکَ» (له‌ بوخاری و موسلیم گێڕدراوه‌ته‌وه‌) فێری خوازبێنان ده‌كرد.
Syndicate content